मुंबई - बॉलिवूड कलाकारांचा यूट्यूब चॅनेल लाँच करण्याकडे फार कल वाढला आहे. आलिया भट्ट, दिशा पटाणी या अभिनेत्रींनी आपले यूट्यूब चॅनेल लाँच केले आहेत. आता या पाठोपाठ अभिनेता कार्तिक आर्यननेही आपले यूट्यूब चॅनेल लाँच केले आहे. सोशल मीडियावरुन त्याने याबाबत माहिती दिली.
कार्तिकने हा व्हिडिओ शेअर करुन 'अनफिल्टर्ट, अनसेंसर्ड, अनस्क्रिप्टेड', असे कॅप्शन दिले आहे.
या चॅनेलच्या माध्यमातून कार्तिक चाहत्यांची संवाद साधणार आहे. त्याच्या आयुष्याशी निगडीत किस्से, त्याचं वैयक्तिक आयुष्य कसं आहे, हे प्रेक्षकांना पाहायला मिळणार आहे. त्याने शूटिंगदरम्यानची धमाल असलेला व्हिडिओ शेअर केला आहे.
- " class="align-text-top noRightClick twitterSection" data="
">
हेही वाचा-पाहा फोटो, रॅपर विझ खलिफाच्या भेटीला धकधक गर्ल माधुरी दीक्षित
कार्तिक लवकरच सारा अली खानसोबत 'आजकल' या चित्रपटात झळकणार आहे. याशिवाय, तो भूमी पेडणेकर आणि अनन्या पांडे यांच्यासोबतही 'पती पत्नी और वो' या चित्रपटाच्या रिमेकची तयारी करत आहे. त्याचा फर्स्ट लूक देखील चाहत्यांना पाहायला मिळाला आहे.
'भूल भुलैय्या २' या चित्रपटातही त्याची वर्णी लागली आहे. तर 'दोस्ताना' चित्रपटाच्या सिक्वेलमध्येही तो जान्हवी कपूरसोबत भूमिका साकारताना दिसणार आहे.
हेही वाचा -...म्हणून आयफा पुरस्कार सोहळ्यात परफॉर्म करणं सारा अली खानसाठी असणार खास
