मुंबई - अभिनेत्री कंगना रनौत 'जजमेंटल है क्या' चित्रपटानंतर आता 'धाकड' चित्रपटासाठी सज्ज झाली आहे. सायको थ्रिलर असलेल्या 'जजमेंटल है क्या' चित्रपटातील तिच्या भूमिकेचे सर्वांनी प्रशंसा केली. कंगनाला तिच्या भूमिकेत नवनविण प्रयोग करायला आवडतात. त्यामुळे आता ती पुन्हा एकदा अनोख्या अंदाजात प्रेक्षकांच्या भेटीला येणार आहे.
कंगनाच्या आगामी 'धाकड' चित्रपटाची घोषणा काही महिन्यांपूर्वीच करण्यात आली होती. या चित्रपटाचे फर्स्ट लूक पोस्टरही प्रेक्षकांना पाहायला मिळाले. पोस्टरमध्येच कंगनाचा जबरदस्त लूक पाहायला मिळाला होता. आता या चित्रपटाचा फर्स्ट लूक टीजर प्रदर्शित करण्यात आला आहे. हा टीजर पाहून तुमच्याही अंगावर काटा येईल.
- " class="align-text-top noRightClick twitterSection" data="">
'धाकड' हा चित्रपट अॅक्शनपट असणार आहे. या चित्रपटाचे दिग्दर्शन रेजी घई हे करत आहेत. 'गन फु', मार्शल आर्ट्स आणि बंदुकीचे काही अॅक्शनने भरलेला हा चित्रपट असणार आहे.
कंगनाने या टीजरबद्दल सांगताना म्हटले होते, की 'टीजरमध्ये माझ्या हाती असलेली बंदुक ही खरी होती. ती खूप जड होती. त्यामुळे मला ती उचलायला फार मेहनत करावी लागली'.
चित्रपटाचे बरेचसे शूटिंग पूर्ण झाले आहे. पुढच्या वर्षी हा चित्रपट प्रदर्शित होईल.
