मुंबई - अक्षय कुमारचा आगामी कॉप ड्रामा असलेला 'सूर्यवंशी' चित्रपटाची चाहत्यांना फार आतुरता आहे. या चित्रपटात अक्षय कुमार, कॅटरिना कैफ यांची जोडी झळकणार आहे. अजय देवगन आणि रणवीर सिंग यांचीदेखील भूमिका पाहायला मिळणार आहे. आता यामध्ये अभिनेता जॅकी श्रॉफ यांचीही एन्ट्री झाली आहे.
रोहित शेट्टीने इन्स्टाग्राम अकाउंटवर फोटो शेअर करुन याबाबत माहिती दिली आहे. याशिवाय आणखी एक सरप्राईझ बाकी असल्याचे त्याने या पोस्टमध्ये म्हटले आहे.
- " class="align-text-top noRightClick twitterSection" data="
">
हेही वाचा -करिना कपूरच्या शोमध्ये 'दंबग गर्ल'ची धमाकेदार एन्ट्री, पाहा व्हिडिओ
'सूर्यवंशी' हा रोहित शेट्टीच्या कॉप ड्रामातील चौथा चित्रपट आहे. यामध्ये गुलशन ग्रोवर, सिकंदर खेर, नीना गुप्ता आणि निकीतन धीर हे कलाकारही भूमिका साकारत आहेत.
रणवीर सिंगच्या 'सिंबा' चित्रपटात 'सूर्यवंशी' चित्रपटाची घोषणा करण्यात आली होती. यामध्ये अक्षय कुमार डीसीपी 'वीर सूर्यवंशी'च्या भूमिकेत दिसणार आहे. २७ मार्चला हा चित्रपट सिनेमागृहात प्रदर्शित होण्यासाठी सज्ज झाला आहे.
हेही वाचा -Public Review : हिमेश रेशमीयाचा 'हॅप्पी, हार्डी, अँड हिर' सिनेमागृहात दाखल, जाणून घ्या प्रतिक्रिया
