मुंबई - बॉलिवूडची आयकॉनिक अभिनेत्री मधुबाला यांच्यावर बायोपिक तयार होणार असल्याच्या चर्चा काही दिवसांपासून कलाविश्वात सुरू आहेत. आपल्या अभिनयानं आणि गोड हास्याने त्यांनी प्रेक्षकांची मने जिंकली होती. त्यांच्या अभिनयाची हिच जादु त्यांच्या बायोपिकच्या निमित्ताने पडद्यावर पाहण्याची संधी प्रेक्षकांना मिळणार आहे. सुप्रसिद्ध दिग्दर्शक इम्तियाज अली हे मधुबाला यांच्या जीवनावर आधारित बायोपिक तयार करत असल्याचं वृत्त समोर आले आहे.
मीडिया रिपोर्टनुसार, इम्तियाज अली हे मधुबाला यांच्या जीवनावर आधारित बायोपिक तयार करणार आहेत. मधुबाला यांचं खरं नाव मुमताज जहान बेगम देहल्वी असं आहे. हिंदी चित्रपटसृष्टीवर त्यांनी आपल्या अभिनयाद्वारे अमिट असा ठसा उमटवला आहे.
हेही वाचा -...म्हणून 'सूर्यवंशी'च्या सेटवर अक्षयचा रोहितसोबत वाद, करण जोहरलाही मध्यस्ती अवघड
इम्तियाज अलीने त्यांचा बायोपिक बनवण्याचे सर्व हक्क मिळवले आहेत. त्यांच्या जीवनावर बायोपिक किंवा वेब सीरिज बनवण्यात येणार असल्याची चर्चा आहे.
याबाबत इम्तियाज अलीने सांगितलं की, 'मधुबाला यांच्यावर आधारित भरपूर कंटेट आहे. त्यांच्या बालकलाकारापासून ते अवघ्या १४ व्या वर्षी 'नीलकमल'मधील राजकपूरची अभिनेत्री साकारण्यापर्यंतच्या बऱ्याच गोष्टी अविस्मरणीय आहेत.
हेही वाचा -'वीर जारा'चे १५ वर्ष पूर्ण, राणी मुखर्जीने उलगडल्या आठवणी
मधुबाला यांच्या बायोपिकची अद्याप अधिकृत घोषणा झाली नाही. मात्र, इम्तियाज यांनी याबाबत इशारा दिला आहे. मात्र, त्यांची भूमिका साकारण्यासाठी कोणती अभिनेत्री योग्य ठरेल, हे पाहणं महत्वाचं ठरणार आहे.
