मुंबई - मुलींच्या भावविश्वावर आधारित 'गर्ल्स' हा चित्रपट लवकरच सिनेमागृहात प्रदर्शित होणार आहे. या चित्रपटातील 'आयच्या गावात' म्हणत सर्वांना ठेका धरायला लावल्यानंतर आता 'स्वॅग माझ्या फाट्यावर' हे पार्टी साँग अलिकडेच प्रदर्शित करण्यात आले आहे. बेधुंद होऊन प्रत्येकाला थिरकायला लावणारे हे उत्स्फूर्त गाणे धमाल, मजामस्तीने भरलेले आहे. विशेष म्हणजे या गाण्यात गर्ल्ससोबत बॉईझचीही धमाल पाहायला मिळणार आहे.
या गाण्यातही अंकिता लांडे, केतकी नारायण आणि अन्विता फलटणकरची अनोखी अदा पाहायला मिळणार आहे. त्यांच्यासोबत 'बॉईझ'चे कलाकार सुमंत शिंदे, प्रतीक लाडही या गाण्यात तिघींसोबत थिरकताना दिसतील. त्यामुळे या गाण्यात 'बॉईज'आणि 'गर्ल्स'चा जल्लोष पाहायला मिळेल. या गाण्यात आणखी एक धमाका आहे. उत्कृष्ट संगीतासोबतच संगीत दिग्दर्शक स्वप्नील यांच्या नृत्यकौशल्याची झलकही या गाण्याच्या निमित्ताने अनुभवता येणार आहे. एकदंरच 'हॅपनिंग' असणारे हे गाणे प्रेक्षकांना नक्कीच आवडेल.
वरून लिखाते यांनी या गाण्याचे बोल लिहिले आहेत. तर, मुग्धा कऱ्हाडे आणि स्वप्नील गोडबोले यांनी या गाण्याला स्वरबद्ध केले आहे. वरून लिखाते आणि मुग्धा कऱ्हाडेच्या रॅपने गाण्याची रंगत अधिकच वाढली आहे. 'स्वॅग माझ्या फाट्यावर' या जल्लोषमय गाण्याला प्रफुल -स्वप्नील यांचे संगीत लाभले आहे.
- " class="align-text-top noRightClick twitterSection" data="">
एव्हरेस्ट एन्टरटेनमेंन्ट आणि कायरा कुमार क्रिएशन्स प्रस्तुत, कायरा कुमार क्रिएशन्स निर्मित या चित्रपटाचे निर्माता नरेन कुमार आहेत. तर, विशाल देवरुखकर यांनी दिग्दर्शनाची धुरा सांभाळली आहे. मुलींच्या रंजक भावविश्वाची सफर घडवणारा हा चित्रपट येत्या २९ नोव्हेंबर रोजी प्रेक्षकांच्या भेटीला येईल.
