दाक्षिणात्य सिनेसृष्टीतील सुप्रसिद्ध दिग्दर्शक मणिरत्नम यांना चेन्नईच्या अपोलो रुग्णालयात भरती करण्यात आले आहे. मणिरत्नम यांना हृदयाशी संबधीत आजारामुळे त्यांची प्रकृती बिघडली. त्यामुळे त्यांनी लगेचच रुग्णालयात हलविण्यात आले आहे. २००४ मध्ये त्यांना एकदा 'युवा' चित्रपटाच्या शूटिंग दरम्यान हृदयविकाराचा झटका देखील येऊन गेला होता. तेव्हादेखील त्यांची प्रकृती बिघडली होती.
मणिरत्नम यांच्यावर सध्या रुग्णालयात उपचार सुरू आहेत. सोशल मीडियावर त्यांच्या प्रकृतीबाबत लोकेश नावाच्या युजरने माहिती शेअर केली आहे.
मणिरत्नम हे मुळचे तमिळ सिनेसृष्टीतील सुप्रसिद्ध फिल्ममेकर आहेत. त्यांनी आत्तापर्यंत बरेच सुपरहिट चित्रपट तयार केले आहेत. बॉलिवूडमध्येही त्यांनी 'बॉम्बे', 'दिल से', 'रावण', 'रोजा', 'युवा' आणि 'गुरू' यांसारख्या चित्रपटाची निर्मिती केली आहे.
काही दिवसांपूर्वीच त्यांच्या आगामी 'पोन्नीयीन सेल्वन' या चित्रपटात ऐश्वर्या राय भूमिका साकारणार असल्याची चर्चा सुरू होती. अभिनेत्री अनुष्का शेट्टीदेखील या चित्रपटात मुख्य भूमिका साकारणार असल्याची चर्चा सुरू आहे.
