'मिशन मंगल’ चित्रपटाला मनसेच्या खळ्ळखट्याकपुढे नमते घेणे भाग पडले आहे. हा सिनेमा मराठीत डब होऊन रिलीज होणार होता. याला मनसेच्या चित्रपट सेनेने विरोध केला होता. अखेर चित्रपटाच्या निर्मात्याने माघार घेतली असून हा चित्रपट आता हिंदीतच रिलीज होणार आहे.
मिशन मंगल चित्रपट मराठीत प्रदर्शित होणार असल्यामुळे मराठी चित्रपटांसाठी थिएटर्स मिळण्यास अडचण होणार होती. यामुळे मनसेने याला प्रखर विरोध करीत खळ्ळखट्याकचा इशारा दिला होता.
अखेर मनसेच्या या विरोधाचा फटका बसू नये याची काळजी मिशन मंगलच्या निर्मात्यांनी घेतली आमि या विषयावर पडदा टाकला आहे. मनसेने हा आपला विजय असल्याचे म्हटले आहे.
मिशन मंगल हा चित्रपट १५ ऑगस्टला रिलीज होणार आहे. यात अक्षय कुमार, विद्या बालन, सोनाक्षी सिन्हा, किर्ती कुल्हारी, नित्या मेनन, शर्मन जोशी, तापसी पन्नू यांच्या यात प्रमुख भूमिका आहेत.
