मुंबई - अभिनेत्री पूजा बत्रा हिने 'विश्वविधाता' या चित्रपटातून बॉलिवूडमध्ये एन्ट्री घेतली होती. बऱ्याच काळापासून ती सिनेसृष्टीपासून लांब आहे. मात्र, अलिकडेच ती पुन्हा एकदा लाईमलाईटमध्ये आली आहे. पूजाने दुसऱ्यांदा लग्नगाठ बांधली आहे. तिचा क्रश असलेला अभिनेता नवाब शाह याच्यासोबत लग्न केले. पारंपारिक पद्धतीने दोघांचाही विवाहसोहळा पार पडला.
पूजाच्या लग्नाचे फोटो सोशल मीडियावर व्हायरल होत आहेत. तिच्या या लग्नाबाबत तिच्या जवळच्या नातेवाईकांनाच माहिती होती. नवाब शाहने देखील आपल्या इन्स्टाग्राम अकाऊंटवर दोघांचा एक बुमरँग व्हिडिओ शेअर केला आहे. 'एक अशी गोष्ट ज्यावर चित्रपट तयार होऊ शकतो', असे कॅप्शन त्याने या बुमरँगवर दिले आहे.
- " class="align-text-top noRightClick twitterSection" data="
">
पूजा बत्राने ११ जुलै रोजी नवाब शाहसोबतचा एक फोटो शेअर करून दोघांच्या रिलेशनशिपबद्दल माहिती दिली होती.
- " class="align-text-top noRightClick twitterSection" data="
">
पूजा मिस इंडिया स्पर्धेची रनरअप होती. तिने 'विरासत', 'कहीं प्यार न हो जाए', 'जोडी नंबर वन' आणि 'नायक' यांसारख्या चित्रपटात भूमिका साकारल्या आहे. तर नवाब शाह हा 'मुसाफिर', 'लक्ष्य', 'डॉन २', 'भाग मिल्खा भाग' आणि 'दिलवाले' यांसारख्या चित्रपटात दिसला होता.
