मुंबई - 'स्टुडंट ऑफ द ईअर-२' चित्रपटातून बॉलिवूडमध्ये पदार्पण करणारी अभिनेत्री अनन्या पांडे लवकरच 'पती पत्नी और वो' सिनेमातून प्रेक्षकांच्या भेटीला येणार आहे. या सिनेमात अनन्या कार्तिक आर्यनसोबत स्क्रीन शेअर करताना दिसणार आहे. तर भूमी पेडणेकरही यात महत्त्वाच्या भूमिकेत आहे.
हेही वाचा - धर्मेंद्रनं शेअर केला सनी देओलचा बालपणीचा फोटो, असं दिलं कॅप्शन
गेल्या काही दिवसांपासून हे तिघेही सिनेमाच्या चित्रीकरणासाठी लखनौमध्ये आहेत. आता कार्तिक आणि अनन्याचा लखनौमधील एक व्हिडिओ समोर आला आहे. यात कार्तिक आपल्या चिंटू त्यागी लूकमध्ये तर अनन्याही चित्रपटातील आपल्या लूकमध्ये दिसत आहेत. यात कार्तिक लखनौमधील प्रसिद्ध शर्मा जी की चायची मजा घेताना दिसत आहे. अनन्यालाही तो चहा प्यायला सांगत आहे. मात्र, आपल्याला चहाची अ‌ॅलर्जी असल्याचं अनन्या सांगत आहे.
- " class="align-text-top noRightClick twitterSection" data="
">
दरम्यान, सेटवरील समोर आलेला हा पहिलाच व्हिडिओ नाही. याआधी कार्तिकनंही आपला एक फोटो शेअर केला होता. ज्यात तो लखनौचा प्रसिद्ध पराठा आणि छोले खाताना दिसत होता. दरम्यान येत्या ६ डिसेंबरला हा चित्रपट प्रेक्षकांच्या भेटीला येणार आहे.
हेही वाचा - बिग बॉस मराठी-२ महाअंतिम सोहळा: दिग्गजांवर मात करत शिव ठरला विजेता
