मुंबई - अभिनेता विकी कौशल नुकताच पछताओगे या अल्बम साँगमधून प्रेक्षकांच्या भेटीला आला. अरिजीत सिंगच्या आवाजातील या गाण्यात विकीचा रोमँटीक अंदाज पाहायला मिळाला. यानंतर आता नुकतंच विकीनं आपल्या एका सत्यात उतरलेल्या स्वप्नाबद्दल सांगितलं आहेत.
आपल्या इन्स्टाग्राम स्टोरीवरुन विकीनं एक फोटो शेअर केला आहेत. यात त्याने दोन फोटो कोलाज केले आहेत. एकात शाहरुखसोबतचा विकीचा लहानपणीचा फोटो पाहायला मिळत आहे. २००१ मध्ये आलेल्या अशोका सिनेमाच्या सेटवरील हा फोटो आहे.
तर दुसऱ्या फोटोमध्ये नुकतंच शाहरुख आणि विकीनं एका अॅवॉर्ड शोमध्ये स्टेजवर एकत्र केलेल्या डान्सचा फोटो आहे. याला दिलेल्या कॅप्शनमध्ये विकीनं म्हटलं आहे, स्वप्न सत्यात उतरतात. शाहरुखच्या चाहत्यापासून स्टेज पार्टनरपर्यंतचा विकीचा प्रवास नक्कीच खास आहे.
चित्रपटांबद्दल बोलायचे झाल्यास, विकी लवकरच भूत - द हॉन्टेड शिप, सरदार उधम सिंग आणि तख्त या सिनेमांतून प्रेक्षकांच्या भेटीला येणार आहे.
