मुंबई - सध्या सुरु असलेला रियालिटी शोजमध्ये नाच गाण्याबरोबर इतर मनोरंजनावरदेखील भर दिला जातोय. स्पर्धकांच्या आणि परीक्षकांच्या बॅक-स्टोरीज आणि किस्से याला जास्त वेळ दिला जातो. सध्या सोनी एन्टरटेन्मेंट टेलिव्हिजनवर सुरु असलेल्या सुपर डान्सर चॅप्टर-४ मध्येसुद्धा प्रेक्षकांना या गोष्टी बघायला मिळत आहेत. आणि मनोरंजनाचा हा ‘डोस’ अजून ‘स्ट्रॉंग’ करण्याचा प्रयत्नही सुरु असतो. या डान्स रियालिटी शोमध्ये गीता कपूर, अनुराग बसू आणि शिल्पा शेट्टी कुंद्रा परीक्षकांची भूमिका पार पडत आहेत. पण आता, कदाचित त्या भित्रेपणावर उपाय म्हणून असेल, शिल्पानेच भुताचा वेष परिधान करून इतरांची बोबडी वळविण्याचा प्रकार केला.
शिल्पा म्हणाली, “सुपर डान्सरच्या सगळ्या सत्रांमध्ये, प्रत्येक वेळी वैभवने मला चकवले, घाबरवले की मी मनोमन याची परतफेड करण्याचे ठरवत असे. आम्ही दमण मध्ये या एपिसोडचे शूटिंग करत होतो, त्यामुळे मला पलटवार करण्याची नामी संधी मिळाली. मी अशा तयारीने निघाले, की दमणला एक दिवस आधी पोहोचता येईल. माझ्या टीमने माझ्या मेकअपचा खूप बारकाईने विचार केला होता, आणि मी स्वतःला आरशात पाहिले, तेव्हा तो मेकअप पाहून स्वतः मी देखील दचकले होते!”
शिल्पाचा हॉरर अॅक्टयावर वैभव म्हणाला, “सुपर डान्सरशी निगडीत सगळ्यांसाठी शिल्पा मॅम एक प्रेरणा आहेत. मी त्यांना इतक्या वेळा घाबरवले आणि त्यांच्या खोड्या काढल्या, पण त्यांनी यावेळी आम्हाला जे घाबरवले तो प्रकार त्या सगळ्यापेक्षा खतरनाक होता. एक दिवस आधी येऊन, तासन् तास चिकाटीने बसून मेकअप करूत आमच्यासाठी त्यांनी हे करणं हे विशेष आहे. मला नाही वाटत की यापूर्वी कोणत्याही सेलिब्रिटी परीक्षकाने असे काही केले असेल. मी घाबरलो का? अर्थात, घाबरलो!”
संपूर्ण मेकअप करण्यासाठी शिल्पाला जवळजवळ ३ तास लागले. हॉटेलच्या मुख्य दारापाशी ती लपून बसली आणि दारातून आत येणार्‍या सगळ्या कोरिओग्राफर्सना तिने त्यांच्यावर झडप घालून घाबरवले. वैभवला शेवटी त्याच्या तोडीचा सव्वाशेर भेटला. शिल्पा पुढे म्हणाली, “मी हे यापूर्वीही सांगितले आहे की, सुपर डान्सरचा संपूर्ण क्रू माझ्या कुटुंबासारखा आहे. त्यामुळे, अशा वेळी मला खूप मजा येते.” फ्रेम्स प्रॉडक्शन कंपनीचे निर्माते रणजीत ठाकूर म्हणाले, “शिल्पाने स्वतःच पद्धतशीरपणे हा सापळा रचला. आणि त्यासाठी ४ तासांपेक्षा जास्त वेळ देऊन अपेक्षित तो मेकअप करून घेतला. आणि असे पहिल्यांदाच झाले आहे की एका परीक्षकाने इतके परिश्रम घेऊन असे काही केले आणि गेल्या ४ सत्रांचा सूड उगवला. सुपर डान्सरच्या इतिहासातील हा एक संस्मरणीय किस्सा असेल.” सुपर डान्सर ४, हा डान्स रियालिटी शो दर शनिवारी आणि रविवारी रात्री ८ वाजता सोनी एन्टरटेन्मेंट टेलिव्हिजनवर प्रसारित होतो.
हेही वाचा - गर्लफ्रेंड गॅब्रिएला डीमेट्रिएड्सच्या कपड्यांबाबत अर्जुन रामपालचा गंमतीशीर खुलासा
