मुंबई - प्रसिद्ध चित्रपट निर्माता करण जोहर त्याचा सर्वात लोकप्रिय टॉक शो 'कॉफी विथ करण' घेऊन पुन्हा एकदा पुनरागमन करत आहे. शोचा एक प्रोमो व्हिडिओ OTT वर रिलीज झाला आहे. 'अतरंगी रे' या पहिल्या चित्रपटाची लीड स्टार कास्ट धनुष आणि सारा अली खान शोच्या प्रोमोमध्ये दिसत आहेत. प्रोमोमध्ये सारा अली खानने 'अतरंगी रे' चित्रपटातील 'चका चक' या हिट गाण्याबाबत मोठा खुलासा केला आहे.
- " class="align-text-top noRightClick twitterSection" data="
">
कॉफी विथ करण या टॉक शोचा हा प्रोमो सोशल मीडियावर राज्य करीत आहे आणि याचे कारण आहे सारा अली खानने गाण्याबद्दल केलेला धक्कादायक खुलासा. 11 मिनिटांपेक्षा जास्त कालावधीच्या या प्रोमोमध्ये करण शोमध्ये पाहुणे म्हणून आलेल्या धनुष आणि सारासोबत बोलताना दिसत आहे.
दरम्यान, चर्चेत सारा अली खानने 'अतरंगी रे' चित्रपटातील 'चका चक' या सुपरहिट गाण्याबाबत धक्कादायक खुलासा केला आहे.
सारा अली खानने सांगितले की, लॉकडाऊन दरम्यान ती करण जोहरच्या गोव्यातील घराच्या बाथरूममध्ये 'चका चक' गाण्याची रिहर्सल करत होती. सारा तिच्या कोरिओग्राफरसोबत करणच्या गोव्यातील घरी पोहोचली होती. यावर करणने विचारले की, हे तेच गाणे आहे का ज्यावर तू रिहर्सल करत होतीस, यावर साराने हो असे उत्तर दिले.
साराने करणच्या बाथरूममध्ये 'चका चक' गाण्याच्या रिहर्सलमागचे कारण सांगितले, 'मला तुमच्याशी याविषयी कधीच बोलायचे नव्हते, पण आता मला रिलॅक्स वाटत आहे, तुमच्या खोलीतला आरसा खूप छोटा आहे पण बाथरूमचा आरसा मोठा होता, त्यामुळे मी रिहर्सल करायला बाथरूममध्ये जायचो. यावर करणला धक्का बसतो. साराने पुढे सांगितले की, 'चका चक' हे गाणे तिने लॉकडाउननंतर दिलेल्या पहिल्या शॉटपैकी एक होते, आम्ही जवळपास सहा महिने लॉकडाऊनमध्ये रहात होतो.
आनंद एल राय दिग्दर्शित 'अतरंगी रे' हा चित्रपट 24 डिसेंबरला रिलीज होत आहे. सारा अली खान आणि दाक्षिणात्य अभिनेता धनुष यांच्याशिवाय अक्षय कुमारही या चित्रपटात महत्त्वाच्या भूमिकेत दिसणार आहे.
हेही वाचा - Nora Fatehi Car Accident : नोरा फतेहीच्या कारचा अपघात, जमावाने घेरलेल्या ड्रायव्हरची नोराने केली सुटका
