मुंबई - कोरोना विषाणूच्या साथीच्या पार्श्वभूमीवर महाराष्ट्र सरकारने शहरात चित्रपट, टीव्ही कार्यक्रम इत्यादीच्या शूटिंगला परवानगी दिल्यानंतर चित्रपट निर्माते संजय गुप्ता म्हणाले की, रामोजी फिल्म सिटीमध्ये आपला आगामी मल्टीस्टारर 'मुंबई सागा' पूर्ण करणार असून यासाठी तो हैदराबादला जात आहे.
संजय गुप्ता म्हणाले, ''आमची पोस्ट प्रॉडक्शन वेगाने काम करत आहे आणि माझी इतर टीम उर्वरित भागाच्या शूटिंगसाठी तयारी करत आहे. रामोजी फिल्म सिटीत जाऊन उरलेल्या कामाचा समतोल साधण्यासाठी टीम काम करीत आहे. आम्ही दोन सेट्सवर काम करणार आहोत. आणि तिथे दरवाजातून कोणीही अगंतुक आत येणार नाही.''
ते पुढे म्हणाले, ''जे लोक येथून जात आहेत त्यांनासुद्धा खात्री आहे. रामोजीमध्ये सर्वांना सुरक्षित वाटेल, तसे मुंबईत होऊ शकणार नाही. मी माझ्या कलाकारांना आणि वरिष्ठ तंत्रज्ञांना जोखीम घेऊ देऊ शकत नाही.''
१९८० आणि ९० च्या दशकावर आधारित या गँगस्टर ड्रामा या आगामी 'मुंबई सागा' चित्रपटात जॉन अब्राहम, सुनील शेट्टी, इमरान हाश्मी आणि गुलशन ग्रोव्हर मुख्य भूमिकेत दिसतील.
