मुंबई - बॉलिवूडची 'देसी गर्ल' आणि 'इंटरनॅशनल स्टार आयकॉन' प्रियांका चोप्राला आज कोणत्याही ओळखीची गरज नाही. मध्यमवर्गीय ते प्रथम श्रेणी जीवनाचा प्रवास प्रियांकाने स्वतःच्या हिमतीवर गाठला आहे. आता सोशल मीडियावर लाखो फॅन्स फॉलो करणाऱ्या प्रियांका चोप्राला तिच्या पतीच्या नावाने हाक मारली तर अभिनेत्रीला वाईट वाटू शकते. एका मासिकाने प्रियांकाचा उल्लेख तिच्या नावाने नाही तर तिचा नवरा निक जोनासच्या नावाने केला आहे. यावर प्रियांकाला राग आला आणि तिने सोशल मीडियावर याला कडाडून विरोध केला आहे.
प्रियांकाने स्वतः त्या मासिकाचा लेख तिच्या इंस्टाग्रामवर शेअर केला आहे, ज्यामध्ये प्रियांकाला निक जोनासची पत्नी असे लिहिले आहे. स्क्रीनशॉट शेअर करताना, प्रियंका चोप्राने लिहिले, 'निक जोनासची पत्नी...' मासिकाने प्रियंका चोप्राचा चित्रपट 'द मॅट्रिक्स रिअॅक्शन्स' आणि तिचा सह-अभिनेता केनू रीव्सबद्दलही लिहिले आहे.
प्रियांका चोप्राने उत्तरात लिहिले की, 'खूप मनोरंजक आहे की मी आतापर्यंतच्या सर्वात प्रतिष्ठित चित्रपट फ्रेंचायझीचे प्रमोशन करत आहे आणि अजूनही माझे वर्णन 'वाईफ ऑफ...' असे केले जाते. प्रियांका चोप्राने पुढे लिहिले की, 'कृपया मला सांगा की महिलांसोबत असे कसे काय घडू शकते? मला माझ्या बायोमध्ये माझी IMDB लिंक जोडण्याची गरज आहे का?'.
हा लेख पाहून प्रियांकाचा राग सातव्या अस्मानाला भिडला असून तिने त्यात पती निक जोनासलाही टॅग केले आहे. प्रियांका सध्या तिच्या चित्रपटांचे प्रमोशन करत आहे.
- " class="align-text-top noRightClick twitterSection" data="
">
याशिवाय प्रियंका चोप्राने तिच्या इंस्टाग्रामवर अनेक सुंदर फोटोही शेअर केले आहेत. लाल कोर्ट-पँटमध्ये कास्ट केलेला हा फोटो शुक्रवारी सकाळीच शेअर करण्यात आला. हे शेअर करत प्रियांकाने 'रेड लाइट' लिहिले आहे.
हेही वाचा - Akshay Kumar Shiva Look : डोक्यावर जटा, गळ्यात माळा आणि निळ्या धोतरातील अक्षय कुमारचा 'महादेव' लूक व्हायरल
