हैदराबाद - अभिनेत्री परिणीती चोप्रा सायना नेहवालच्या घरी हैदराबादला मुक्काम करणार आहे. सायनावर तयार होत असलेल्या आगामी बायोपिकमध्ये ती मुख्य भूमिका साकारत आहे. ही भूमिका साकारताना कोणतीच कसूर राहणार नाही याची खबरदारी ती घेत आहे. यासाठी तिने सायनाच्या घरी राहून भूमिकेची तयारी करायचे ठरवले आहे.
परिणीतीने म्हटलंय, ''मला सायना बनायचे आहे. यासाठी तिच्या घरी जाऊन ती कशी राहते हे मला पाहायचे आहे. मी तिला अनेकवेळा भेटली आहे. परंतु यावेळी मी तिच्या घरी जाणार आहे, तिच्यासारखे राहणार आहे आणि त्यांच्यासारखेच मला जेवायचे आहे. तिने मला हे वचन दिलंय की तिची आई मला तेच जेवण देईल जे ती खात असते. त्यामुळे मी तिच्या घरी जाण्यासाठी उत्सुक झाली आहे.''
बायोपिकमध्ये काम करणारे कलाकार आपल्या भूमिकेसाठी खास तयारी करीत असतात. अलिकडेच कपील देव साकारण्यासाठी रणवीर सिंगने कपीलसोबत १० दिवस घालवले होते. यापूर्वी मेरी कॉमच्या बोयोपिकच्या तयारीसाठी प्रियंका चोप्राने मेरी कोमसोबत वेळ घालवला होता.
सायना नेहवालच्या बायोपिकचे दिग्दर्शन अमोल गुप्ते करीत आहेत. टी-सीरीज प्रॉडक्नच्यावतीने या चित्रपटाची निर्मिती केली जात आहे.
