मुंबई - नामवंत अभिनेता नवाजुद्दीन सिद्दीकी याने आपल्या संघर्षाच्या दिवसांची आठवण सांगितली आणि म्हटले की याच अनुभवामुळे आज त्याला मिळालेले सर्व यश साध्य करण्यास मदत झाली आहे.
नवाजुद्दीनने आपल्या अभिनय कारकीर्दीची सुरूवात १९९९ साली आलेल्या फिल्म "सरफरोश" मध्ये एका छोट्या सीनने केली होती. २०१२ च्या अनुराग कश्यपच्या "गँग्स ऑफ वासेपुर" या चित्रपट मालिकेमुळे त्याला समीक्षकांचे लक्ष वेधण्यात आणि लोकप्रियता मिळविण्यात मदत झाली. त्यानंतर त्याने "कहाणी" आणि "मिस लवली" सारख्या चित्रपटांमध्ये जोरदार अभिनय केला. आज नवाझुद्दीनला हिंदी चित्रपटसृष्टीतील एक उत्कृष्ट अभिनेता म्हणून ओळखले जाते.
हिंदी चित्रपटसृष्टीत आपल्या प्रवासाबद्दल बोलताना नवाझुद्दीनने सांगितले: "माझ्या प्रवासात मी १२ वर्षे झगडत गेलो. शेवटी मी छोट्या छोट्या भूमिका केल्या आणि आता देवाचे आभार मानतो की, २०१२ मध्ये 'गँग्स ऑफ वासेपुर', 'कहानी', 'तलाश' 'आणि इतर चित्रपट प्रदर्शित झाले आणि माझा प्रवास पूर्णपणे बदलला. "
तो म्हणाला, “सुरुवातीला चढउतार होते. संघर्षाचा काळ विसरता येणार नाही. त्या काळापासून मी खूप काही शिकलो आहे. त्यावेळी मला बर्‍याच गोष्टींचा अनुभव आला आणि आज मला त्याची मदत झाली. वेळ वाईट असेल तर माणूसही शिकू शकतो. त्या काळापासून मी खूप काही शिकलो आहे आणि आज त्याची मला मदत होते, ”असे नवाजुद्दीन पुढे म्हणाला.
हेही वाचा - एनिवन' व्हिडिओसाठी जस्टीन बीबरने 'काढले' शरीरावरील 'टॅटू'!!
२०२० मध्ये, ‘रात अकेली है’ आणि ‘सीरियस मेन’ या दोन चित्रपटांनी ओटीटी प्लॅटफॉर्मवर कमाल केली. यातील नवाजच्या अभिनयाची दखल समीक्षकांसह प्रेक्षकांनीही घेतली.
हेही वाचा - २०२० विचित्र होते, २०२१ साठी कोणताही संकल्प नाही - अमिताभ बच्चन
