मुंबई - क्रूझ पार्टी प्रकरणात शाहरुख खानचा मुलगा आर्यन खान (Shah Rukh Khan's son Aryan Khan)ला अटक करण्यात आले होते. आर्यन खान (Aryan Khan) या प्रकरणातील सोडण्यासाठी 25 कोटी रुपयांची मागणी करण्यात आली होती, असा गौप्यस्फोट प्रभाकर साईल (Prabhakar Sail) यांनी केला होता. त्यामध्ये सॅम डिसोझा यांचे नाव समोर आले होते. त्यानंतर आज क्रूझ शिप अंमली पदार्थ प्रकरणी (Cruise ship drug case) सॅम डिसोझा (Sam D'Souza) सोमवारी मुंबई पोलिसांच्या विशेष तपास पथकासमोर (SIT) हजर झाला. या प्रकरणात डिसोझाचे नाव पेमेंटच्या आरोपात पुढे आले होते.
प्रभाकर साईलने गेल्या महिन्यात दावा केला होता की NCB ने आर्यन खानला अटक केल्यानंतर NCB चा साक्षीदार केपी गोसावीने (KP Gosavi) डिसोझासोबत 25 कोटी रुपयांच्या पेमेंट डीलबाबत फोनवर चर्चा करताना ऐकले होते. या प्रकरणाशी संबंधित NCB अधिकार्‍यांवर झालेल्या खंडणीच्या आरोपांची चौकशी करण्यासाठी मुंबई पोलिसांनी नंतर SIT स्थापन केली.
सोमवारी डिसोझाचे वकील पंकज जाधव याच्यासह त्याचे स्टेटमेंट नोंदवण्यासाठी आज दक्षिण मुंबईतील SIT च्या कार्यालयात पोहोचले आहेत. NCB च्या दक्षता पथकाने जे क्रूझ अंमली पदार्थ प्रकरणात पैसे भरल्याच्या आरोपांची चौकशी करत आहेत त्यांनी डिसोझाचे स्टेटमेंट आधीच नोंदवले आहे.
याआधी डिसोझाने मुंबई उच्च न्यायालयात दाखल केलेल्या अटकपूर्व जामीन याचिकेत दावा केला होता की आर्यन खानची सुटका करण्यासाठी गोसावीने शाहरुख खानची मॅनेजर पूजा ददलानी (Shah Rukh Khan's manager Pooja Dadlani) कडून 50 लाख रुपये घेतले होते. या प्रकरणी NCB ने आर्यन खानला तीन ऑक्टोबर रोजी अटक केल्यानंतर ही रक्कम परत करण्यात आल्याचे याचिकेत नमूद करण्यात आले आहे. आर्यन खानकडे कुठलेही अंमली पदार्थ सापडले नाही आणि प्रत्यक्षात तो निर्दोष असल्याचे गोसावीने सांगितले होते.
हेही वाचा - अभिनेता आर्यन हगवणेचे ‘खुर्ची’ मधून चित्रपटसृष्टीत पदार्पण!
