मुंबई - सुशांतसिंह राजपूतच्या निधनानंतर संपूर्ण देश शोकसागरात बुडाला होता. १४ जूनला त्याने मुंबईत आत्महत्या केली होती. त्यानंतर कुटुंबियांच्या उपस्थितीत त्याच्यावर मुंबईतच अंत्यसंस्कार करण्यात आले होते. त्यानंतर त्याच्या अस्थींचे विसर्जन पाटणा येथील गंगा नदीमध्ये कऱण्यात आले होते. त्यानंतर त्याच्या घरी प्रर्थना सभेचे आयोजन करण्यात आले होते. यावेळी टीव्ही अभिनेत्री रतन राजपूत हिने त्याच्या घरी भेट देऊन कुटुंबियांचे सांत्वन केले होते. यासंबंधीचा एक व्हिडिओ तिने सोशल मीडियावर शेअर केला आहे.
- " class="align-text-top noRightClick twitterSection" data="
">
हेही वाचा - कोणावर तरी आरोप करुन सुशांतच्या मृत्यूला जबाबदार धरू नये: सोनू सूद
रतन राजपूतने इन्स्टाग्रामवर शेअर केलेल्या व्हिडिओमध्ये तिने मनोगत व्यक्त केलंय. तिनं म्हटलंय की, ती तिथे सुशांतच्या कुटुंबियांची हिम्मत वाढवण्यासाठी गेली होती मात्र ती स्वतःचा हिम्मत घेऊन परतली. रतन म्हणते, ''मी सुशांतच्या वडिलांना भेटले. त्याच्या बहिणीलाही भेटले. सुशांतचे वडिल पूर्ण वेगळे आहेत. मी त्यांना पाहून चकित झाले. ते किती शांत व साकारात्मक आहेत. त्यांना भेटल्याने माझी हिम्मत वाढली असे म्हणू शकते.''
तिने शेअर केलेल्या व्हिडिओच्या कॅप्शनमध्ये लिहिलंय, ''आता माझे आयुष्य पुन्हा नॉर्मल झाले आहे. शुक्रिया अंकल (सुशांतचे वडिल). मी फक्त प्रार्थना करीत आहे आणि न्याय इश्वरावर सोडत आहे. तो सर्व काही पाहून घेईल. या पोस्टमध्ये रतनने #justiceforsushant या हॅशटॅगचाही वापर केला आहे.''
तिने सांगितले की तिच्या कुटुंबियांना भेटायला ती वर्षातून एकदा पाटण्याला जात असते. यापुढे ती सुशांतच्या कुटुंबियांनाही भेटत जाईल.
सुशांतच्या मृत्यूची सीबीआय चौकशी व्हावी अशी मागणी होत आहे.
