मुंबई : लाफ्टर क्वीन भारती सिंग ( Bharti Singh ) आणि हर्ष लिंबाचिया ( Harsh Limbachiyaa ) ने शुक्रवारी इंस्टाग्रामवर भन्नाट व्हिडिओ शेअर करत चाहत्यांना ही खुशखबर दिली आहे. भारती आणि हर्षने त्यांच्या नवीन यूट्यूब चॅनेल ' लॉल लाईफ ऑफ लिंबाचियाज ' ( LOL Life of Limbachiyaas ) वर पोस्ट केलेल्या 'हम माँ बनने वाले है' या व्हिडिओमध्ये आई-बाबा होणार असल्याचे सांगितले आहे.
- " class="align-text-top noRightClick twitterSection" data="
">
प्रेग्नेंसीबद्दलच भारती सिंगची चाहत्यांना खुशखबर -
टीव्हीची सुप्रसिद्ध कॉमेडी क्वीन म्हणून चाहती असलेली भारती सिंगने हर्ष लिंबाचियासोबत 3 डिसेंबर 2017 मध्ये गोव्यात पंजाबी पद्धतीने धूमधडाक्यात लग्न केले होते. आता भारती सिंगच्या घरी लवकरच एक आनंदाची बातमी येणार आहे. भारती आणि हर्ष लांबाचिया लवकरच आई-वडील होणार आहेत. ही बातमी समोर आल्यानंतर केवळ भारतीचे कुटुंबीय आणि मित्रमंडळीच नाही तर चाहतेही खूप उत्सुक दिसत आहेत. दरम्यान, आता भारतीने एक खास व्हिडिओ शेअर केला आहे. या व्हिडिओद्वारे भारतीने चाहत्यांना तिच्या प्रेग्नेंसीबद्दलच सांगितले नाही तर ती आई होणार आहे हे कळल्यावर तिची प्रतिक्रिया कशी होती हे देखील सांगितले.
भारती सिंग पोस्टमध्ये म्हणाली -
भारती सिंगने आपल्या इंस्टाग्रामवर शेअर केलेल्या पोस्टमध्ये म्हटले आहे की, 'सबसे बडे सप्राइज के लिए देखले हमारा सबसे पहिला यूट्यूब व्हिडिओ' ...
शुभेच्छांचा वर्षाव -
भारती आणि हर्ष यांनी आई-बाबा होणार असल्याची आनंदाची बातमी दिल्यावर त्यांच्या मित्रमंडळीसह चाहत्यांकडून शुभेच्छांचा वर्षाव सुरू आहे.
