अमदनगर - 'मोदी' चित्रपटाचा नायक विवेक ओबेरॉय आणि दिग्दर्शक संदीप सिंग मनिष आचार्य यांनी शनिवारी शिर्डीत येऊन साई समाधीचे दर्शन घेतले. चित्रपट लवकर प्रदर्शित व्हावा यासाठी त्यांनी प्रार्थना केली.
पत्रकारांशी बोलताना अभिनेता विवेक ओबेरॉय म्हणाला, चित्रपटावर आक्षेप घेणाऱ्यांनी अगोदर चित्रपट पाहावा. उर्मिला मातोंडकर, विशाल भारद्वाज माझे चांगले मित्र आहेत. चित्रपटाचा ट्रेलर पाहून ते भ्रमित झाले आहेत. मात्र, याचिकाकर्ते आणि राहुल गांधी यांनीही अगोदर चित्रपट पाहावा. तसेच रेल्वे स्थानकावर चहा विकणारा देशाचा पंतप्रधान होतो, ही प्रेरणादायी कहाणी असल्याचे विवेक ओबेरायने शिर्डीत सांगितले.
मोदी चित्रपटासंदर्भातील याचिकेवरील सुनावणी येत्या सोमवारी २२ तारखेला सर्वोच्च न्यायालयात होणार आहे, ही सुनावणी लवकर पूर्ण होऊन चित्रपट प्रदर्शित होण्यासाठी साई चरणी 'मोदी' चित्रपटाच्या टिमने प्रार्थना केली आहे.
