मुंबई - शाहरुख खान आणि काजोल यांच्या मुख्य भूमिका असलेल्या 'दिलवाले दुल्हनिया ले जाएंगे' या चित्रपटाला 20 ऑक्टोबर रोजी हिंदी चित्रपटसृष्टीत 25 वर्षे पूर्ण करणार आहे. अभिनेता उदय चोप्रा याने चित्रपटाच्या सेटवर सहायक म्हणून काम केले होते. या चित्रपटाने बॉलिवूडमध्ये 'बिहाइंड सीन' (बीटीएस) व्हिडीओ प्रथा कशी सुरू केली, याची आठवण जागवली आहे. उदयचा मोठा भाऊ आदित्य चोप्रा याने दिग्दर्शित केलेला डीडीएलजे हा पहिला चित्रपट आहे.
उदय म्हणाले, "आदित्यला 'डीडीएलजे' चित्रपटात असे काहीतरी करायचे होते, जे यापूर्वी भारतातील कोणीही केले नव्हते. त्यांनी मला 'मेकिंग' दिग्दर्शित करण्याची जबाबदारी दिली होती. असे पूर्वी कधी घडले नव्हते. त्यामुळे मला यासाठी अनेक गोष्टींचा शोध घ्यावा लागला. कॅलिफोर्नियातून फिल्मचे शिक्षण घेऊन परतल्यानंतर माझ्यासाठी हात साफ करण्याची ही उत्तम संधी होती.''
तो पुढे म्हणाला, "आम्हाला पहिली गोष्ट ही हवी होती की सेट आणि सेटच्या मागचे भरपूर फुटेज हवे होते आणि त्यासाठी एस-व्हीएचएस हा एकमेव पर्याय आमच्याकडे होता. त्यामुळे सेटवर सहाय्यक असण्याबरोबरच मी बीटीएस फुटेजचा कॅमेरामनही बनलो होतो.''
उदय पुढे म्हणाला, "मी सेटवर लक्ष ठेवत असे. याचा मला फायदा झाला आणि नंतर मला कळले की, सर्व कलाकार मी तिथे असल्याने खूपच आरामात आहेत. यातून काही खरे आणि मनोरंजक शॉट्स मी बनवले, ज्यामुळे बीटीएस फुटेज जबरदस्त झाले."
उदय म्हणाले, "डीडीएलजे एकमेव चित्रपट होता ज्याने बीटीएस किंवा बिहाइंड द सीन म्हणतात तो ट्रेंड सुरू केला. आम्ही त्याचे नाव 'द मेकिंग' असे ठेवले."
