‘नीरजा’ सारख्या राष्ट्रीय पुरस्कार विजेत्या चित्रपटातून निर्माता म्हणून पदार्पण केलेला अतुल कसबेकर उत्तम स्थिर-छायाचित्रकार आहे. त्याच्या विद्या बालन अभिनित ‘तुम्हारी सुलु’लाही समीक्षकांनी गौरविले होते. आता तो ‘लूप लपेटा’ या चित्रपटाच्या निर्मितीत गुंतला आहे. चित्रपट पूर्णत्वाच्या मार्गावर आला की प्रोमोशन्स सुरु होतात. ‘लूप लपेटा’च्या प्रोमोशन्सनाही सुरुवात होणार आहे. त्यासाठी हवे असणाऱ्या पोस्टरसाठी अतुल कसबेकरने पुन्हा कॅमेरा हातात धरला.
२०२१ मधील ‘लूप लपेटा’ हा बहुप्रतिक्षित बॉलिवूड चित्रपटांपैकी एक आहे. टीझरच्या घोषणेच्या वेळी बरीच चर्चा रंगली होती आणि आता पोस्टर पाहण्याची उत्सुकता आहे. ज्याचे नुकतेच मुंबई मध्ये एका फिल्म स्टुडिओमध्ये शूट झाले. तनुज गर्ग आणि सोनी पिक्चर्ससह लूप लपेटाच्या निर्मात्यांपैकी एक असलेल्या फोटोग्राफर अतुल कसबेकर यांनी मुंबई मध्ये फिल्म ‘लूप लपेटा’ चे पोस्टर शूट केले आणि हा त्यांच्या कारकीर्दीमधील २०० वा चित्रपट आहे ज्याच्या पब्लिसिटी कॅम्पेन चे शूट त्यांनी केलं. विशेष बाब म्हणजे या चित्रपटाचे ते निर्मातेही आहेत आणि आपल्याच चित्रपटाच्या पोस्टर शूटने त्यांनी आपले २००वे पब्लिसिटी कॅम्पेन संपन्न केले.
फॅशनच्या दुनियेत नामांकित फोटोग्राफर असलेल्या अतुल कसबेकरला सुरुवातीपासूनच चित्रपटांच्या पोस्टर-शूट मध्ये रस होता. अतुल कसबेकर म्हणाला, "कॅमेरा हे माझं पहिलं प्रेम आहे आणि चित्रपटाचा निर्माता या नात्याने मला या चित्रपटाच्या पब्लिसिटी कॅम्पेनमध्ये देखील तो ‘विजन शेप’ देण्याची इतर निर्मात्यांकडून परवानगी मिळाली. मी तीसेक वर्षांपासून चित्रपटांच्या प्रसिद्धी-मोहिमांचे शूटिंग करत आहे आणि माझ्यासाठी हा चित्रपट खरोखरच विशेष आहे.”
सोनी पिक्चर्स फिल्म्स इंडिया, एलिसिस एंटरटेनमेंट आणि आयुष माहेश्वरी निर्मित ‘लूप लपेटा’ हा चित्रपट यावर्षी रिलीज होणार आहे.
हेही वाचा - दाक्षिणात्य सुपरस्टार नयनतारा करणारा शाहरुखसोबत बॉलिवूड पदार्पण
