मुंबई - दाक्षिणात्य सिनेसृष्टीचा आघाडीचा अभिनेता विजय देवरकोंडा आणि अभिनेत्री अनन्या पांडे लवकरच आगामी चित्रपटात झळकणार आहेत. या चित्रपटाचे शिर्षक अद्याप समोर आले नाही. मात्र, दोघांनी चित्रपटाचे शूटिंग सुरू केले आहे. दरम्यान विजयने अनन्यासोबतचे सेटवरचे काही फोटो शेअर केले आहेत. या फोटोमध्ये अनन्याचा विजयसोबत स्टायलिश अंदाज पाहायला मिळतो.
काही दिवसांपूर्वीच अनन्या पांडे विजय देवरकोंडासोबत भूमिका साकारणार असल्याची माहिती समोर आली. अनन्याने बॉलिवूडमध्ये अल्पावधीतच आपली ओळख निर्माण केली आहे. आता ती दाक्षिणात्य चित्रपटातही आपल्या अभिनयाची झलक दाखवण्यासाठी सज्ज झाली आहे.
- " class="align-text-top noRightClick twitterSection" data="
">
हेही वाचा -ट्रेलर प्रदर्शित होण्यापूर्वी 'सूर्यवंशी'चं मोशन पोस्टर रिलीज, पाहा खिलाडीचा दमदार लुक
हा चित्रपट हिंदीसह, तमिळ आणि तेलुगू भाषांमध्ये प्रदर्शित होणार आहे. अ‌ॅक्शन थ्रिलर असलेल्या या चित्रपटाचे जगन्नाथ पुरी हे दिग्दर्शन करत आहेत. करण जोहर आणि अपूर्व मेहता या चित्रपटाची निर्मिती करणार आहेत.
या चित्रपटाचे शूटिंग मुंबईसबह विदेशातील काही ठिकाणी केले जाणार आहे. लवकरच या चित्रपटाच्या शिर्षकाची घोषणा केली जाणार आहे. पुढच्या वर्षी हा चित्रपट प्रदर्शित होईल.
हेही वाचा -बिग बीने 'ब्रम्हास्त्र'च्या सहकलाकारांसोबचा फोटो शेअर करीत केले कौतुक
