मुंबई - बॉलिवूड कलाकार आलिया भट्ट आणि रणबीर कपूर रिलेशनशिपमध्ये असल्याचे कबूल करण्यास टाळाटाळ करत होते. RRR प्रमोशन दरम्यान आलियाने रणबीरवर प्रेम करीत असल्याची वारंवार कबुली दिल्यानंतर, आलियाने तिच्या भावना जगाला कळवण्यासाठी आता सोशल मीडियाचा आधार घेतला आहे!
- " class="align-text-top noRightClick twitterSection" data="
">
आलिया आणि रणबीर नुकतेच त्यांच्या नवीन वर्षाच्या सुट्टीवरून परतले. रणथंभोर नॅशनल पार्कमध्ये या जोडप्याने नवीन वर्षाचे स्वागत केले. रणबीर आतापर्यंत अधिकृतपणे सोशल मीडियापासून दूर राहण्यात यशस्वी झाला आहे, तर आलिया डिजिटल प्लॅटफॉर्मवर तिच्या उपस्थितीचा स्मार्ट वापर करते. आलियाने यापूर्वी रणबीरसोबतच्या सुट्टीतील काही फोटो सोशल मीडियावर शेअर केले होते. तिची नवीन पोस्ट मात्र रणबीरच्या फोटोग्राफी कौशल्याची प्रशंसा करणारी आहे.
तिच्या इंस्टाग्राम हँडलवर आलियाने आरकेने क्लिक केलेल्या तिच्या फोटोंची स्ट्रिंग शेअर केली. तिने पोस्टला कॅप्शन दिले, "माझ्या बॉयफ्रेंडचे फोटोग्राफी कौशल्य"
आलिया आणि रणबीर गेल्या तीन वर्षांहून अधिक काळ डेट करत आहेत. त्यांच्या आगामी ब्रह्मास्त्र चित्रपटाच्या सेटवर दोघे प्रेमात पडले. नुकतेच ते त्यांच्या आगामी चित्रपटाचे प्रमोशन करताना सार्वजनिक ठिकाणी एकत्र दिसले. ब्रह्मास्त्रमध्ये अमिताभ बच्चन, अक्किनेनी नागार्जुन आणि मौनी रॉय यांच्याही प्रमुख भूमिका आहेत. हा चित्रपट निर्माता करण जोहरच्या धर्मा प्रॉडक्शनची निर्मिती असलेला चित्रपट आहे.
हेही वाचा - 'फास’ चित्रपटातील शिवरायांच्या जयघोषाचे गाणे प्रदर्शित!
