मुंबई - बॉलिवूड अभिनेत्री आलिया भट्टचा बहुप्रतिक्षित 'गंगूबाई काठियावाडी' हा चित्रपट २५ फेब्रुवारीला प्रदर्शित होत आहे. या चित्रपटाच्या ट्रेलरने आधीच देशात आणि जगात खळबळ उडवून दिली आहे. ट्रेलरमध्ये, आलियाच्या गंगूबाई लूक आणि संवादाचे बरेच व्हिडिओ सोशल मीडियावर समोर आले आहेत. यापैकी एकावर आक्षेप घेत कंगना रणौतने थेट आलिया भट्टवर निशाणा साधला होता. आता आलियाने कंगनाला तिच्याच भाषेत उत्तर दिले आहे.
कंगना रणौत काय म्हणाली आलियाला?
वास्तविक, सोशल मीडियावर जेव्हा हनी गर्ल नावाच्या मुलीने आलिया भट्टचा गंगूबाई लुक आणि डायलॉग कॉपी केला आणि एक व्हिडिओ सोशल मीडियावर शेअर केला, तेव्हा आलियानेही हा व्हिडिओ तिच्या इंस्टाग्रामवर शेअर केला. कंगनाची नजर या व्हिडीओवर गेल्यावर कंगनाने तिच्या स्टाइलमध्ये आलिया भट्टवर जोरदार निशाणा साधला होता, 'या मुलीने तोंडात बिडी घेऊन सेक्स वर्करची भूमिका साकारायची का आणि तिने तोंडाने असे अश्लील संवाद बोलायचे का?' या मुलीची देहबोली पहा, या वयात तिच्यावर अत्याचार करणे योग्य आहे का? अशी अनेक मुले आहेत ज्यांचा अशा प्रकारे वापर केला जात आहे. कंगना इथेच थांबली नाही तर तिने या मुलांच्या पालकांवर कायदेशीर कारवाई करण्याची मागणीही केली आहे.
- " class="align-text-top noRightClick twitterSection" data="
">
आलिया भट्टनेही दिले कंगना रणौतला प्रत्युत्तर
यावर आलिया भट्टने आपला खुलासा देत कंगनाला तिच्याच भाषेत उत्तर दिले आहे. आलिया म्हणाली, 'मला हा व्हिडिओ खूपच क्यूट वाटला, मला खात्री आहे की हा व्हिडिओ वडिलधाऱ्यांच्या देखरेखीशिवाय बनला नसेल, जर मुलीच्या कुटुंबीयांचा या गोष्टींवर कोणताही आक्षेप नसेल, तर कुणालाही यात काही अडचण असली नाही पाहिजे'.
'गंगूबाई काठियावाडी' या चित्रपटात आलिया भट्ट व्यतिरिक्त अजय देवगण आणि विजय राज देखील महत्त्वाच्या भूमिकेत दिसणार आहेत. या चित्रपटाचे दिग्दर्शन संजय लीला भन्साळी यांनी केले आहे.
हेही वाचा - अक्षय कुमारच्या चित्रपटाच्या सेटवरील वाहनांवर पोलिसांची कारवाई
