मुंबई - बॉलीवूडचा 'सिंघम' अजय देवगण आणि ज्येष्ठ अभिनेत्री काजोल गुरुवारी (24 फेब्रुवारी) त्यांच्या लग्नाचा 23 वा वाढदिवस साजरा करत आहेत. 24 फेब्रुवारी 1999 रोजी दोघांचे लग्न झाले होते. यावेळी अजय देवगणने पत्नी काजोलला त्यांच्या लग्नाच्या वाढदिवसानिमित्त फिल्मी स्टाईलमध्ये शुभेच्छा दिल्या आहेत. अजय-काजोलची जोडी बॉलिवूडमधील यशस्वी जोडप्यांपैकी एक आहे.
बॉलिवूडचा दमदार अभिनेता अजय देवगणने 23 व्या लग्नाच्या वाढदिवसानिमित्त त्याच्या इंस्टाग्रामवर एक व्हिडिओ शेअर करून पत्नी काजोलला लग्नाच्या वाढदिवसाच्या शुभेच्छा दिल्या आहेत. अजयने लिहिले आहे, 1999-प्यार तो होना ही था, 2022 प्यार तो हमेशा रहेगा'.
- " class="align-text-top noRightClick twitterSection" data="
">
या दोघांनी 1999 मध्ये 'प्यार तो होना ही था' या चित्रपटात एकत्र काम केले होते. हा चित्रपट हिट ठरला आणि त्यानंतर दोघांनी लग्न केले. लग्नानंतर अजय-काजोल चित्रपटांमध्ये एकत्र दिसत आले आहेत.
हे जाणून आश्चर्य वाटेल की सुरुवातीला काजोल-अजय एकमेकांना पसंत करत नव्हते. परंतु, एकमेकांना न आवडल्याने ते कसे जोडपे बनले आणि प्रकरण लग्नापर्यंत पोहोचले, ही कथा देखील कोणत्याही बॉलिवूड रोमँटिक चित्रपटापेक्षा कमी नाही.
अजयच्या वर्कफ्रंटबद्दल बोलायचे झाले तर अभिनेत्याने नुकतेच 'दृश्यम 2' चित्रपटाचे शूटिंग सुरू केले आहे. अजय 'रुद्र' या वेबसीरिजमध्येही दिसणार आहे. त्याचवेळी अजयने सोशल मीडियावर 'सिंघम-3' साठी संकेत दिले होते. अजय 'आरआरआर' या पॅन इंडिया चित्रपटातही महत्त्वाच्या भूमिकेत दिसणार आहे. तसेच त्याची महत्त्वाची भूमिका असलेला गंगुबाई काठियावाडी २५ फेब्रुवारी रोजी रिलीज होणार आहे.
हेही वाचा - व्हिडिओबाबत आक्षेप घेणाऱ्या कंगनाला आलिया भट्टचे सडेतोड उत्तर
