मुंबई : सुशांतसिंग राजपूत याच्या निधनानंतर तीन फेडरल एजन्सीज एनसीबी, ईडी आणि सेंट्रल ब्यूरो ऑफ इन्व्हेस्टिगेशन (सीबीआय) यांच्यामार्फत चौकशी झालेली अभिनेत्री रिया चक्रवर्ती नव्या वर्षात पुन्हा चित्रपटात कमबॅक करणार आहे.
सुशांत आणि रियाची निकटची मैत्री असलेले चित्रपट निर्माते रुमी जाफरे म्हणाले की या वर्षाच्या सुरुवातीस रिया चक्रवर्ती शुटिंग सेटवर अवतरेल.
एका वेबलॉईडशी बोलताना रूमी रिया चक्रवर्ती पुन्हा कामाला सुरूवात करणार असल्याचे सांगितले. "रियासाठी हे वर्ष अत्यंत क्लेशकारक ठरले आहे. अर्थात हे वर्ष सर्वांसाठीच वाईट होते. परंतु तिच्या बाबतीत हा एक आघात होता. एखाद्या मध्यमवर्गीय मुलीवर एक महिना तुरुंगात घालवण्याचा प्रसंग ओढवता याची तुम्ही कल्पना करु शकता का? यामुळे तिचे मनोबल खचले आहे.'', असे रुमी जाफरे पुढे म्हणाले.
रुमी नुकतेच रियाला भेटले तेव्हा ती खचलेली आणि शांत दिसली. चित्रपट निर्माते रमी जाफरे यांनी सांगितले की त्यांनी रियालाही आश्वासन दिले की तिला काहीही झाले तरी इंडस्ट्रीकडून स्वीकारले जाईल.
"मी नुकतेच तिला भेटलो. ती खचलेली आणि शांत होती. जास्त बोलली नाही. ज्या प्रकारातून ती गेली आहे त्याबद्दल तिला दोष देऊ शकत नाही. थोडी उडालेली धुळ घाली बसू द्या. मला खात्री आहे की रियाला बरेच काही सांगायचे आहे," "चित्रपट निर्माता म्हणाला.
हेही वाचा - स्वागत २०२१ : बॉलिवूडचे हे चित्रपट करणार बॉक्स ऑफिसवर धमाका
रिया आता रुमीच्या आगामी थ्रिलर चित्रपट 'चेहरे'मध्ये दिसणार आहे. या चित्रपटाचे मुख्य आकर्षण इमरान हाश्मी आणि अमिताभ बच्चन आहेत. सुशांत आणि रिया रुमी जाफरी यांच्या शीर्षक न ठरलेल्या एका चित्रपटात काम करणार होते. सुशांतच्या निधनानंतर रुमी यांनी हा चित्रपट न करण्याचे ठरवले होते. कारण याची कथा त्यांनी सुशांतला डोळ्यासमोर ठेवून लिहिली होती.
हेही वाचा - सोनम कपूरने पतीसोबत केले २०२१चे स्वागत, सांगितला नव वर्षाचा संकल्प
