मुंबई - बॉलिवूड अभिनेता अभिषेक बच्चन हा निर्माता दिनेश विजानच्या आगामी चित्रपटात एका राजकारण्याची भूमिका साकारणार आहे. अभिषेक 'दसवी' नावाच्या या चित्रपटात १० वीत अपयशी ठरलेला मुख्यमंत्री म्हणून काम करताना दिसणार आहे.
दसवी हा आजच्या समाजातील शिक्षणाचे महत्त्व सांगणारा एक राजकीय विनोदी नाट्यमय चित्रपट आहे. अभिषेक यामध्ये दहावीत अपयशी मुख्यमंत्र्यांच्या भूमिकेत दिसणार आहे. अभिषेक एका भ्रष्ट राजकारण्यांच्या प्रवासाची कथा यातून मांडणार असल्याचे चित्रपटाशी संबंधित सूत्राने सांगितले.
या चित्रपटामध्ये यामी गौतम आणि निमरत कौर यांच्याही मुख्य भूमिका असणार आहेत. यात यामी हरियाणवी मुलीची भूमिका करणार असून यासाठी ती या भाषेचे धडे गिरवत आहे. तसेच दसवीच्या भूमिकेसाठी देहबोलीच्या बारीक गोष्टींमवरही काम करत आहे.
हेही वाचा - 'गंगूबाई काठियावाडी'मध्ये शक्तीशाली भूमिकेत झळकणार अजय देवगण
