मुंबई - देशभरात जन्माष्टमीचा उत्सव मोठ्या उत्साहात साजरा होत असताना अनेक बॉलिवूड कलाकारांनी पोस्ट शेअर करत आपल्या चाहत्यांना जन्माष्टमीच्या शुभेच्छा दिल्या आहेत. या शुभेच्छा देण्यासाठी बॉलिवूडचा मिस्टर परफेक्शनिस्ट आमिर खानला भलेही उशीर झाला, मात्र त्यानं शेअर केलेल्या फोटोनं चाहत्यांची मनं जिंकली.
आमिरनं आपला मुलगा आजान खानसोबत हा उत्सव साजरा केला असून यावेळचा फोटो त्यानं शेअर केला आहे. फोटोत आजान आमिरच्या पाठीवर चढला असून तो दहीहंडी फोडण्यासाठी तयार असल्याचे दिसत आहे. जन्माष्टमीच्या मुहूर्तावर मुलगा आणि वडिल यांच्यातील खास नातं सांगणाऱ्या या फोटोला यूजर्सची पसंती मिळत आहे.
- " class="align-text-top noRightClick twitterSection" data="
">
या फोटोला कॅप्शन देत, सर्वांना जन्माष्टमीच्या शुभेच्छा, अंस आमिरनं म्हटलं आहे. दरम्यान आमिर अनेकदा आपल्या लहानग्यासोबतचे खास फोटो सोशल मीडियावर शेअर करताना दिसत असतो.
