नवी दिल्ली: मायक्रो-ब्लॉगिंग साइट ट्विटरची सेवा मंगळवारी पुन्हा विस्कळीत झाली ( Twitter services down all over the world ). त्यामुळे वापरकर्त्यांना अडचणींचा सामना करावा लागला. मात्र, काही तासांच्या प्रयत्नानंतर सेवा पूर्ववत झाली. ट्विटरच्या सेवेच्या व्यत्ययादरम्यान वापरकर्त्यांना वेबसाइट किंवा मोबाइल ऍप्लिकेशनवर ट्विटरवर प्रवेश करण्यात समस्या आली.
यासंदर्भात ट्विटरकडून असे सांगण्यात आले की, तुमच्यापैकी काहींना अडचणी येत असतील. कारण ट्विटर लोड होत ( Twitter was not loading ) नाही, पण ही समस्या लवकरात लवकर सोडवण्याचे प्रयत्न सुरू आहेत. आम्ही तुम्हाला लवकरच तुमच्या टाइमलाइनवर परत आणण्याचा प्रयत्न करत आहोत, असे म्हणत ट्विटरने या आउटेजला दुजोरा दिला आहे.
ट्विटर सपोर्टने समस्या का आली हे स्पष्ट केले -
समस्येचे निराकरण झाल्यानंतर सुमारे अर्ध्या तासानंतर, ट्विटर सपोर्टने नंतर एक ट्विट पोस्ट ( Tweets from Twitter Support ) केले की आम्ही त्याचे निराकरण केले आहे! आम्ही अंतर्गत प्रणाली बदल केला जो नियोजित प्रमाणे झाला नाही, तो परत आणला गेला आहे. ट्विटर आता अपेक्षेप्रमाणे लोड होत आहे. क्षमा असावी!
गेल्या महिन्यातही ट्विटर बंद झाले -
मिळालेल्या माहितीनुसार, गेल्या महिन्यातही सुमारे तासभर ट्विटर डाउन होते. याआधी 17 फेब्रुवारीलाही वापरकर्त्यांना अशाच समस्यांना सामोरे जावे लागले होते. यादरम्यान ट्विटरवर सोशल मीडियावर अनेक मीम्स बनवण्यात आले.
ट्विटर एलोन मस्कसोबत कायदेशीर लढाई लढत आहे -
ही तांत्रिक समस्या अशा वेळी आली आहे, जेव्हा ट्विटरची टेस्लाचे सीईओ एलोन मस्क ( Tesla CEO Elon Musk ) यांच्याशी कायदेशीर लढाई सुरू आहे. मस्कने $ 44 अब्ज अधिग्रहण करारातून माघार घेण्याचा निर्णय घेतल्यानंतर ट्विटरने त्याच्या विरोधात खटला दाखल केला आहे.
