नवी दिल्ली: Modi Talks with Zelenskyy: पंतप्रधान मोदी PM Narendra Modi यांनी मंगळवारी युक्रेनचे राष्ट्राध्यक्ष वोलोडिमिर झेलेन्स्की Ukrainian President Volodymyr Zelenskyy यांच्याशी दूरध्वनीवरून संभाषण केले. दोन्ही नेत्यांनी युक्रेनमध्ये सुरू असलेल्या संघर्षावर Russia Ukraine War चर्चा केली आहे. पीएम मोदींनी हा संघर्ष लवकर संपवून संवाद आणि मुत्सद्देगिरीचा मार्ग अवलंबण्याची गरज असल्याचे पुन्हा सांगितले. पीएम मोदी म्हणाले की संघर्षावर कोणताही लष्करी उपाय असू शकत नाही आणि कोणत्याही शांतता प्रयत्नांमध्ये योगदान देण्याची भारताची तयारी दर्शविली.
पंतप्रधान मोदींनी युक्रेनचे राष्ट्राध्यक्ष वोलोडिमिर झेलेन्स्की यांच्याशी दूरध्वनीवरून संभाषणात संयुक्त राष्ट्रांची सनद, आंतरराष्ट्रीय कायदा आणि सर्व राज्यांच्या सार्वभौमत्व आणि प्रादेशिक अखंडतेचा आदर करण्याच्या महत्त्वाचा पुनरुच्चार केला.
तत्पूर्वी, पीएम मोदींनी गेल्या महिन्यात समरकंद, उझबेकिस्तान येथे झालेल्या SCO शिखर परिषदेदरम्यान रशियाचे अध्यक्ष पुतिन यांची भेट घेतली होती. पीएम मोदींनी पुतीन यांना सांगितले होते की, आजचे युग युद्धाचे नाही आणि मी तुमच्याशी फोनवर बोललो आहे. आपण शांततेच्या मार्गाने पुढे जाऊ शकतो. भारत आणि रशिया अनेक दशकांपासून एकमेकांसोबत आहेत.
