कोलंबो श्रीलंका चीनचे एक उच्च तंत्रज्ञानाने युक्त असे गुप्तहेर जहाज मंगळवारी श्रीलंकेच्या दक्षिणेकडील बंदर हंबनटोटा hambantota port येथे पोहोचले. काही दिवसांपूर्वी श्रीलंकेने चीनला भारताची चिंता लक्षात घेऊन या जहाजाचे बंदरावर येणे पुढे ढकलण्याची विनंती केली होती. चीनचे बॅलेस्टिक क्षेपणास्त्र आणि उपग्रह निरीक्षण जहाज असलेले युआन वांग 5 Chinese Spy Vessel Yuan Wang 5 हे स्थानिक वेळेनुसार सकाळी 8.20 वाजता हंबनटोटाच्या दक्षिणेकडील बंदरावर Chinese research vessel reached hambantota पोहोचले. हे जहाज 22 ऑगस्टपर्यंत येथेच राहणार आहे.
जहाज आधी 11 ऑगस्ट रोजी बंदरावर पोहोचणार होते परंतु श्रीलंकेच्या अधिकाऱ्यांकडून मंजुरी न मिळाल्याने त्याचे आगमन लांबले. भारताने सुरक्षेबाबत चिंता व्यक्त केल्यानंतर श्रीलंकेच्या परराष्ट्र मंत्रालयाने गेल्या आठवड्यात चीनच्या दूतावासाला जहाजाचे आगमन पुढे ढकलण्याची विनंती केली होती. श्रीलंकेने शनिवारी जहाजाला 16 ते 22 ऑगस्टपर्यंत बंदरात थांबण्याची परवानगी दिली. विशेष म्हणजे श्रीलंकेच्या बंदरातील मुक्कामादरम्यान भारताने या जहाजाच्या पाळत ठेवण्याच्या यंत्रणेद्वारे भारतीय प्रतिष्ठानांवर हेरगिरी करण्याचा प्रयत्न केला जाण्याची शक्यता व्यक्त केली होती.
डेली मिरर ऑफ श्रीलंकेच्या वृत्तानुसार युआन वांग 5 आज सकाळी हंबनटोटा बंदरावर पोहोचले. हे जहाज उच्च तंत्रज्ञानाने सुसज्ज असल्याने भारताला त्यातून हेरगिरीची भीती होती. संशोधन आणि सर्वेक्षण जहाज यापूर्वी 11 ऑगस्ट रोजी चिनी भाडेतत्त्वावरील हंबनटोटा बंदरात डॉक करण्यासाठी नियोजित होते. परंतु भारताने चिंता व्यक्त केल्यानंतर ते थांबवण्यात आले.
आज सकाळी हे जहाज श्रीलंकेच्या बंदरात उतरल्याचे वृत्त डेली मिररने दिले आहे. श्रीलंकेने चीनला युआन वांग 5 जहाजाची हंबनटोटा बंदराची भेट पुढे ढकलण्यास सांगितले असल्याची पुष्टी केली. चीनच्या दूतावासाने श्रीलंका सरकारला आवश्यक मदत आणि जहाज डॉक करण्यासाठी परवानगी देण्याची विनंती केली होती. 12 ऑगस्ट रोजी चिनी दूतावासाने श्रीलंकेच्या परराष्ट्र मंत्रालयाला राजनयिक नोटद्वारे कळवले की युआन वांग 5 हे जहाज 16 ऑगस्ट रोजी हंबनटोटा बंदरावर पोहोचणार आहे. त्यानंतर 16 ऑगस्ट ते 22 ऑगस्ट या नवीन तारखेसाठी चीनकडून अर्ज केला.
श्रीलंकेच्या निर्णयानंतर चीनने सांगितले की चीन आणि श्रीलंका यांच्यातील सहकार्य दोन्ही देशांनी मुक्तपणे निवडले आहे आणि ते समान हितसंबंधांसाठी आहे आणि कोणत्याही तृतीय पक्षाला लक्ष्य करत नाही. सुरक्षेच्या कारणास्तव श्रीलंकेवर दबाव आणणे अनावश्यक असल्याचेही चीनने म्हटले होते. संशोधन आणि सर्वेक्षण जहाज म्हणून नियुक्त केलेले युआन वांग 5 हे 2007 मध्ये बांधले गेले आणि त्याची क्षमता 11000 टन आहे. श्रीलंकेच्या बंदरात जहाजाच्या डॉकिंगवर भारताने सुरक्षेबाबत चिंता व्यक्त केली होती.
हे जहाज समुद्राच्या तळाशी मॅपिंग करण्याची क्षमता असलेले संशोधन जहाज आहे. जे चिनी नौदलाच्या पाणबुडीविरोधी कारवायांसाठी महत्त्वाचे आहे. हे जहाज हिंद महासागराच्या उत्तर पश्चिम भागात उपग्रह संशोधन करू शकते. ज्यामुळे भारताच्या सुरक्षेचा प्रश्न निर्माण होऊ शकतो. कोलंबोपासून सुमारे 250 किमी अंतरावर असलेले हंबनटोटा बंदर चिनी कर्जाने बांधण्यात आलेले आहे. श्रीलंका सरकारने चीनकडून घेतलेल्या कर्जाची परतफेड करण्यासाठी हे बंदर 99 वर्षांच्या भाडेतत्त्वावर चीनच्या ताब्यात देण्यात आले.
हेही वाचा युद्ध भडकणार चीनने तैवानजवळ डागली 11 क्षेपणास्त्रे 5 पडली जपानमध्ये
