इस्लामाबाद - अमेरिकी पत्रकार डॅनियल पर्ल 2002 हत्या प्रकरणातील आरोपींना पुन्हा अटक करण्यात आली आहे. शुक्रवारी पाकिस्तानमधील सिंध उच्च न्यायालयाने आरोपींची फाशी रद्द करत त्यांची सुटका केली होती. त्यानंतर सिंध प्रांतीय सरकारच्या आदेशानुसार पुन्हा मुख्य आरोपी अहमद ओमर सईद शेख,फहाद नसीम, सलमान साकीब आणि शेख आदिल यांना अटक केली आहे.
अमेरिकेच्या दक्षिण आणि मध्य आशियाचे विभागाचे सहाय्यक सचिव एलिस वेल्स यांनी पाकिस्तान न्यायलयाच्या निर्णयावर नाराजी व्यक्त केली होती. पर्ल यांच्या गुन्हेगारांची शिक्षा कमी करणे, म्हणजे दहशतवादाला बळी पडलेल्या प्रत्येका अपमान करण्यासारखे आहे. पर्ल यांच्या आरोपींना शिक्षा झालीच पाहिजे, असे त्या म्हणाल्या. तसेच आरोपींना पुन्हा अटक करण्यासाठी सरकारी वकिलांकडून सर्वोच्च न्यायलयात याचिका दाखल करण्याचा निर्णयाचे त्यांनी स्वागतही केले.
न्यायाधीश मोहम्मद करीम खान आगा यांच्या अध्यक्षतेखालील दोन न्यायाधीशांच्या खंडपीठाने निर्णय देत मुख्य आरोपी अहमद ओमर सईद शेखच्या फाशीच्या शिक्षचे कैदैत रुपांतर केले होते. तर इतर 3 आरोपी फहाद नसीम, सलमान साकीब आणि शेख आदिल यांची जन्मठेपेची शिक्षा संपवून निर्दोष सोडले होते.
डॅनियल पर्ल हे अमेरिकेच्या 'द वॉल स्टिट जर्नल' या वर्तमानपत्राचे दक्षिण आशियाचे प्रमुख होते. एका संशोदनासंदर्भात ते पाकिस्तानतला गेले होते. त्यानंतर 2002 मध्ये डॅनियल पर्ल याचे अपहरण करून त्याचा शिरच्छेद केला होता. त्यांचा मृतदेह कराचीतील कब्रस्थानात सापडला होता. त्याच्या शिरच्छेदाचे चित्रीकरण असलेल्या व्हिडियो टेपही मृतदेहानजिक आढळली होती. डॅनियल यांच्या हत्याप्रकरणातील आरोपींना लवकरात लवकर अटक करण्यासाठी तत्कालीन अध्यक्ष जॉर्ज बुश यांनी पाकिस्तानवर दबाव आणला होता.
