अलास्कामध्ये दोन फ्लोट विमानांची टक्कर, ५ जणांचा मृत्यू

फ्लोट विमानामध्ये पर्यटनासाठी आलेले रॉयल प्रिन्सेस क्रूजचे प्रवासी होते. त्यांना कराई भागात जायचे होते. एका विमानात सहा आणि दुसऱ्या विमानात ११ प्रवासी होते. अपघाताचे कारण अद्याप समजले नाही. मात्र, दुर्घटनेवेळी दोन्ही प्लोट विमाने एटीसीच्या ( एयरक्राफ्ट एयर ट्रॅफिक कंट्रोल) संपर्कात नव्हती, असे सांगण्यात आले आहे.

अलास्का - अमेरिकेतील अलास्कामध्ये दोन फ्लोट विमानांची (पाण्यामध्ये उतरण्यास सक्षम असणारे छोटे विमान) हवेत टक्कर होऊन अपघात झाला. या अपघातात ५ जणांचा मृत्यू झाला, तर १० जण जखमी झाले आहेत. एक जण अद्याप बेपत्ता आहे. जखमींवर जवळच्या रूग्णालयात उपचार सुरू आहेत. जखमींपैकी चार जणांची प्रकृती चिंताजनक आहे.

स्थानिक प्रसारमाध्यांच्या माहितीनुसार, फ्लोट विमानामध्ये रॉयल प्रिन्सेस क्रूजचे प्रवासी होते. त्यांना कराई भागात जायचे होते. एका विमानात सहा आणि दुसऱ्या विमानात ११ प्रवासी होते. अपघाताचे कारण अद्याप समजलेले नाही. मात्र, दुर्घटनेवेळी दोन्ही प्लोट विमाने एटीसीच्या ( एयरक्राफ्ट एयर ट्रॅफिक कंट्रोल) संपर्कात नव्हती, असे सांगण्यात आले आहे.

यूएस फेडरल एव्हिएशन अॅडमिनिस्ट्रेशन (एफएए) नुसार, कून केव जवळ द हेविलेंड डीएचसी-2 बीवर आणि द हेविलँड ऑटर डीसी-3 या दोन प्लोट विमानांची टक्कर झाली. अपघाताचे कारण अद्याप समजलेले नाही. ट्रान्सपोर्टेशन सेफ्टी बोर्ड याचा तपास करत आहे.