वॉशिंग्टन - इजिप्तच्या सिनाई द्वीपकल्पात झालेल्या हेलिकॉप्टर अपघातात 6 अमेरिकन नागरिक ठार झाल्याच्या वृत्ताला पेंटॅगॉनने दुजोरा दिला आहे.
सिन्हुआ या वृत्तसंस्थेने 'बहुराष्ट्रीय दल आणि पर्यवेक्षणच्या (एमएफओ) सीनाई द्वीपावरील एका ऑपरेशनदरम्यान झालेल्या हेलिकॉप्टर अपघातात 6 अमेरिकन आणि दोन मित्र देशांचे दोन सदस्य यांचा मृत्यू झाला. यामुळे आम्ही दु: खी आहोत', असे गुरुवारी जाहीर केले.
पेंटागॉनचे मुख्य प्रवक्ते जोनाथन हॉफमन यांनी ट्वीट केले आहे की, पेंटॅगॉन एमएफओच्या संपर्कात आहे आणि घटनेच्या चौकशी करण्यास तयार आहे.
एका निवेदनात, एमएफओनेही या घटनेच्या वृत्ताला दुजोरा दिला आहे. इजिप्तच्या सिनाई द्वीपकल्पात झालेल्या एका हेलिकॉप्टर अपघातात बहुराष्ट्रीय शांतता सेनेचे 8 सदस्य ठार झाले. ही दुर्घटना शर्म अल-शेखच्या आजूबाजूच्या परिसरातील रूटीन मिशन दरम्यान घडली.
हेही वाचा - अमेरिकेच्या विदेश मंत्रालयाची यूएईला एफ -35 जेट विक्रीस मान्यता
निवेदनात म्हटले आहे की, 'आम्हाला हे सांगताना खूप दुःख होत आहे की, एमएफओचे 8 सदस्य मरण पावले आहेत. यात सहा अमेरिकन नागरिक, एक फ्रेंच आणि एक झेक प्रजासत्ताकचा नागरिक यांचा समावेश आहे. तर, एका अमेरिकन एमएफओ सदस्याला वाचविण्यात आले आहे. त्याला रुग्णालयात दाखल केले आहे.'
अपघाताचे कारण अद्याप स्पष्ट झालेले नाही. मात्र, ते लवकरच शोधून काढले जाईल असे या निवेदनात पुढे म्हटले आहे. तसेच, इजिप्त आणि इस्रायलच्या सहकार्याचे आणि समर्थनाचेही आभार मानले आहेत.
एमएफओ ही रोम-आधारित आंतरराष्ट्रीय शांतता प्रस्थापित करण्यासाठी कार्य करणारी प्रणाली आहे. ही इजिप्त आणि इस्रायलदरम्यानच्या कराराद्वारे स्थापित केली गेली आहे.
हेही वाचा - होंडुरासमध्ये उष्णकटिबंधीय वादळ एटाने घेतले 57 बळी
