मुंबई - Tunisha Sharma suicide case :'अलिबाबा - दास्ता ए काबूल' या गाजलेल्या टीव्ही मालिकेतील कलाकार तुनिषा शर्मा हिनं 2022 मध्ये पालघर जवळ शूटिंगच्या सेटवरच आत्महत्या केली होती. या संदर्भात तिचा प्रियकर शिझान खाननं त्याच्यावर दाखल झालेला गुन्हा रद्द करण्यासाठी उच्च न्यायालयात धाव घेतली होती. मात्र उच्च न्यायालयाने त्याचा अर्ज फेटाळून लावला आहे.
टीव्ही मालिकेच्या चित्रकरण दरम्यान केली आत्महत्या - टीव्ही कलाकार तुनीषा शर्मा हिचे डिसेंबर 2022 काळात ' अलिबाबा - दास्ता ए काबूल' या टीव्ही मालिकेचं शूटिंग पालघर जिल्ह्यात सेट लावलेल्या ठिकाणी सुरू होते. परंतु त्या दरम्यान 24 डिसेंबर 2022 रोजी तिनं आत्महत्या केली. अत्यंत कमी वयात तिने इतके टोकाचे पाऊल उचलले. त्यामुळे तिच्या आत्महत्या नंतर मुद्दा अत्यंत संवेदनशील झाला होता. तिच्या आत्महत्येसाठी जबाबदार तिचा प्रियकर शिझान याच्यावर आरोप करण्यात आला आणि त्याला पालघर पोलिसांनी अटक देखील केली.
तुनिषाच्या आईचा आरोप, पोलिसात तक्रार - 24 डिसेंबर 2022 रोजी पालघर या ठिकाणी टीव्हीच्या मालिकेसाठी सेटवर काम करत असताना तिने एकांतात जाऊन आत्महत्या केली. तिच्या आत्महत्ये नंतर सर्वांची शंका तिचा प्रियकर शिझान याच्याकडे वळाली. त्याच्यावर आरोप करण्यात आला. त्यानं सर्व आरोपांचं खंडन केलं होतं. तुनीषाची आई वनिता शर्मा यांनी देखील तसा आरोप केला होता. माझ्या मुलीच्या आत्महत्येस शिझान जबाबदार असल्याचं आईनं पोलिसात दिलेल्या तक्रारीत म्हटलं होतं. त्यामुळे पालघर पोलिसांनी अखेर प्रियकर शिझान याच्यावर गुन्हा दाखल केला होता.
डिसेंबरमध्ये गुन्हा मार्चमध्ये जामीन - आत्महत्या केल्यानंतर प्रियकर शिझान खानवर आरोप झाले, तक्रारीनुसार गुन्हा दाखल होऊन त्याला अटक देखील झाली. मात्र मार्च 2023 मध्ये त्याला वैयक्तिक जातमुचलक्यावर जामीन मिळाला होता. मात्र पोलिसांनी गुन्हा दाखल केलेला असल्यामुळे जोपर्यंत गुन्हा दाखल आहे, तोपर्यंत खटला चालू असतो आणि चौकशीचा ससेमीरा देखील सुरू असतो. म्हणूनच तुनीषा शर्मा हिचा प्रियकर आरोपी शिझान खान याने त्याच्यावर दाखल केलेला पालघर पोलिसांचा एफ आय आर रद्द करावा, यासाठी उच्च न्यायालयात अर्ज दाखल केला होता. मात्र न्यायमूर्ती अजय गडकरी यांच्या खंडपीठाने तो रद्द केला आहे.
हेही वाचा -
3. Anushka Sharma Viral Video : अनुष्का शर्मा दुसऱ्यांदा आई होणार? विराटसोबतचा व्हिडिओ व्हायरल
