मुंबई - दिग्दर्शक लक्ष्मण उतेकर त्यांच्या आगामी रोमँटिक कॉमेडी जरा हटके जरा बचके या चित्रपटाच्या रिलीजसाठी सज्ज झाले आहेत. विकी कौशल आणि सारा अली खान यांच्या या चित्रपटात मुख्य भूमिका आहेत. या चित्रपटात सारा अली खानच्या ऐवजी विकीची सौंदर्यवती पत्नी आणि अभिनेत्री कॅटरिना कैफ हिला का कास्ट केले नाही याचा खुलासा लक्ष्मण उत्तेकर यांनी केला आहे. मध्यमवर्गीय संयुक्त कुटुंबातील सूनेच्या भूमिकेसाठी कॅटरिना योग्य वाटत नसल्याचे उत्तेकर यांना वाटते.
मुलाखतीत लक्ष्मणने सांगितले की, कॅटरिनाला माझी भाषा समजली तरच मी हे करू शकेन. तुम्हाला वाटते का की कॅटरिना कधी छोट्या शहरातील नायिकेसारखी दिसू शकेल? जर आम्हाला चांगली स्क्रिप्ट मिळाली तर मला विकी आणि कॅटरिनासोबत काम करायला नक्की आवडेल.'
उत्तेकर पुढे म्हणाले, 'या चित्रपटासाठी मी कॅटरिनाला घेऊ शकलो नाही, कारण जरा हटके जरा बचके वेगळ्या प्रकारचा चित्रपट आहे आणि कॅटरिना तिच्यावर आधारित मध्यमवर्गीय संयुक्त कुटुंबातील सुनेच्या भूमिकेसाठी योग्य असेल असे मला वाटले नाही. भविष्यात त्यांच्यासाठी काही काम असेल तर नक्की विचार करेन.'
जरा हटके जरा बचके या चित्रपटाचा ट्रेलर रिलीज झाल्यापासून चित्रपटाभोवतीची उत्सुकता वाढली आहे. हा ट्रेलर लोकांना खूप आवडला आहे. मध्यवर्गिय संयुक्त कुटुंबात राहणाऱ्या पती पत्नीची ही एक रंजक कहानी आहे. त्यांच्यात छोट्याशा कारणावरुन बिनसते आणि रागाच्या भरात ते घटस्फोटोपर्यंत जाऊन पोहोचतात. परंतु दोघांच्यात एकमेकांबद्दलचे प्रचंड आकर्षण आहे आणि घटस्फोपर्यंत प्रकरण जाऊनही ते एकमेकांना चोरुन भेट असतात. ही मजेशीर गोष्ट प्रेक्षकांसाठी औत्सुक्याचा विषय ठरणारी आहे.
दरम्यान, कतरिना आगामी अ‍ॅक्शन-थ्रिलर चित्रपट टायगर 3 मध्ये सलमान खानसोबत दिसणार आहे. हा चित्रपट यावर्षी दिवाळीच्या मुहूर्तावर चित्रपटगृहात दाखल होणार आहे. श्रीराम राघवन दिग्दर्शित 'मेरी ख्रिसमस' या चित्रपटात ती विजय सेतुपतीसोबत दिसणार आहे. फरहान अख्तरच्या आगामी 'जी ले जरा' या चित्रपटात ती आलिया भट्ट आणि प्रियांका चोप्रासोबत झळकणार आहे.
हेही वाचा - Gulshan Devaiah Birthday : गुलशन देवय्याने माजी पत्नी कल्लीरोई झियाफेटासोबत साजरा केला वाढदिवस
