मुंबई - Year Ender 2023 : हिंदी चित्रपटसृष्टीसाठी 2023 वर्ष उत्तम वर्ष ठरले. चालू वर्षात बॉलिवूड चित्रपटांनी प्रेक्षकांचे खूप मनोरंजन केलं आहे. बॉलिवूडनं 2023 वर्षात टॉलिवूडला मागे टाकले आहे. शाहरुख खान स्टारर 'पठाण' चित्रपट वर्षाच्या सुरुवातीला रुपेरी पडद्यावर प्रदर्शित झाला. या चित्रपटानं बॉक्स ऑफिसवर 1000 कोटीहून अधिक कमाई केली. आता बॉक्स ऑफिसवर शाहरुख खान अभिनीत 'डंकी' चित्रपटाद्वारे 2023ची समाप्ती होणार आहे. हा चित्रपट देखील रुपेरी पडद्यावर चांगली कामगिरी करत आहे. इयर एंडरच्या या विशेष लेखात आपण 2023 च्या लोकप्रिय आणि कमाई करणाऱ्या चित्रपटांबद्दल बोलू या.
पठाण : शाहरुख खान स्टारर 'पठाण' 25 जानेवारी 2023 रोजी बॉक्स ऑफिसवर प्रदर्शित झाला होता. या चित्रपटाद्वारे 'किंग खान'नं बॉलिवूडमध्ये पुनरागमन केलं. सिद्धार्थ आनंद दिग्दर्शित 'पठाण' चित्रपटातील 'बेशरम रंग' या गाण्यावरून बराच वाद झाला होता. या चित्रपटामध्ये शाहरुखव्यतिरिक्त दीपिका पदुकोण विशेष म्हणजे जॉन अब्राहमच्या कामाचं विशेष कौतुक झालं. 'पठाण'नं जगभरातील बॉक्स ऑफिसवर 1048 कोटींचा व्यवसाय केला.
- " class="align-text-top noRightClick twitterSection" data="">
गदर 2 : सनी देओल आणि अमिषा पटेल स्टारर चित्रपट 'गदर 2' 22 वर्षांनंतर, 'गदर-एक प्रेम कथा' या चित्रपटाचा सीक्वेल बनवण्यात आला. या चित्रपटाला प्रेक्षकांची चांगलीच पसंती मिळाली. या चित्रपटाद्वारे सनीनं बॉलिवूडमध्ये जबरदस्त कमबॅक केला. 'गदर 2' हा सनीच्या कारकिर्दीतील सर्वात कमाई करणारा चित्रपट ठरला आहे. 'गदर 2' नं जगभरात 691 कोटीची कमाई केली. हा चित्रपट 11 ऑगस्ट 2023 रोजी प्रदर्शित झाला.
- " class="align-text-top noRightClick twitterSection" data="">
जवान : अभिनेता शाहरुख खानचा 2023 चा दुसरा चित्रपट, 'जवान' 7 सप्टेंबर रोजी प्रदर्शित झाला. 'जवान' 2023 चा भारतीय चित्रपटसृष्टीतील सर्वाधिक कमाई करणारा चित्रपट ठरला आहे. या चित्रपटानं जगभरात 1150 कोटी रुपयांची कमाई केली आहे. 'जवान' हा शाहरुखच्या फिल्मी करिअरमधील सर्वाधिक कमाई करणारा चित्रपट ठरला आहे. या चित्रपटाबद्दल बराच गदारोळ झाला होता.
- " class="align-text-top noRightClick twitterSection" data="">
अ‍ॅनिमल 2 : अभिनेता रणबीर कपूर, बॉबी देओल, अनिल कपूर, रश्मिका मंदान्ना आणि तृप्ती डिमरी यांचा 'अ‍ॅक्शन' ड्रामा 'अ‍ॅनिमल' या चित्रपटानं चालू वर्षात सर्वाधिक खळबळ माजवली आहे. 1 डिसेंबर रोजी प्रदर्शित झालेल्या 'अ‍ॅनिमल'नं जगभरात 26 दिवसांत बॉक्स ऑफिसवर 870 कोटी रुपयांचा टप्पा ओलांडला आहे. नवीन वर्षापूर्वी चित्रपट 900 कोटी रुपयांची कमाई करू शकतो, असं सध्या दिसत आहे. 'अ‍ॅनिमल'मध्ये बॉबी देओलची एन्ट्री सर्वाधिक लोकप्रिय ठरली आहे.
- " class="align-text-top noRightClick twitterSection" data="">
टायगर 3 : चालू वर्षात सलमान खानच्या 'टायगर 3' बद्दल बरीच चर्चा होती. 'टायगर 3' हा चित्रपट दिवाळीच्या दिवशी 12 नोव्हेंबर प्रदर्शित झाला. सलमान खानचे चाहते या चित्रपटाची आतुरतेनं वाट पाहत होते. 'टायगर 3'नं जगभरातील बॉक्स ऑफिसवर 466 कोटींचा व्यवसाय केला.
- " class="align-text-top noRightClick twitterSection" data="">
हेही वाचा :
