मुंबई : बॉलिवूड अभिनेता रणबीर कपूर सध्या त्याच्या आगामी 'अ‍ॅनिमल' या अ‍ॅक्शन-थ्रिलर चित्रपटामुळे चर्चेत आहे. 'अ‍ॅनिमल' हा चित्रपट यापूर्वी ११ ऑगस्ट २०२३ रोजी प्रदर्शित होणार होता. मात्र आता या चित्रपटाच्या प्रदर्शनाच्या तारखेत वाढ झाली आहे. रणबीरला या चित्रपटाकडून खूप जास्त अपेक्षा आहेत. अलीकडेच, रणबीर कपूरची पत्नी आलिया भट्टचा २८ जुलै रोजी प्रदर्शित झालेल्या 'रॉकी और रानी की प्रेम कहानी' चित्रपटाच्या स्क्रीनिंगमध्ये तो दिसला होता. आता तो राजधानी दिल्लीत पोहोचला आहे. येथे तो 'ड्रीम गर्ल' फेम अभिनेत्री नुश्रत भरुचासोबत दिसत आहे. यावेळो दोघे विमातळाच्या बाहेर पडताना दिसले आहेत.
रणबीर-नुसरत दिल्लीत दिसले : दिल्लीमधील एअरपोर्ट लूकमध्ये रणबीर कपूर हा खूप स्टायलिश दिसत होता. रणबीर कपूरने पांढऱ्या रंगाचा टी-शर्ट आणि निळ्या डेनिमवर लांब कोट परिधान केला होता. यासोबत त्याने पांढरे स्नीकर्स घातले होते. लूकला आणखी खास बनविण्यासाठी रणबीरने डोळ्यांवर चष्मा आणि डोक्यावर लोकरीची टोपी घातली होती. तर नुश्रत यावेळी ब्लॅक लूकमध्ये दिसली. या व्हिडिओमध्ये दोन्ही स्टार्स जबरदस्त स्टाइलमध्ये पाहायला मिळाले.आता रणबीर आणि नुश्रतला एकत्र बघून सोशल मीडियावर खळबळ उडाली आहे. आता चाहते या जोडीचे खूप कौतुक करत आहे. या जोडीबद्दल चाहत्यांमध्ये उत्सुकता वाढली असून या दोघांना आता एकत्र चित्रपटामध्ये पाहायचे आहे.
रणबीरच्या वर्कफ्रंट बोलायचे झाले तर तो 'ब्रह्मास्त्र 2', 'अंदाज अपना अपना 2', 'डेविल' या चित्रपटामध्ये दिसणार आहे. रणबीरचे हे चित्रपट यावर्षी रूपेरी पडद्यावर रिलीज होणार आहेत. नुश्रत भरुच्चाने टीव्ही मालिकापासून सुरू केलेला अभिनय प्रवास तिला अष्टपैलूत्व देऊन गेला. उत्तम अभिनय करत ती रुपेरी पडद्यावर एक प्रस्थापित अभिनेत्री बनली आहे. जय संतोषी माँ या चित्रपटात तिला पहिला ब्रेक मिळाला. कल किसने देखा, ताज महल, लव्ह सेक्स धोका सारख्या चित्रपटातून काम केले, पण तिला खऱ्या अर्थाने प्रसिद्धी मिळाली ती प्यार का पंचनामा या चित्रपटातून. तेव्हापासून तिने माघारी वळून पाहिलेले नाही. आता ती यशाची शिखरे गाठत आहे.
हेही वाचा :
