हैदराबाद - बॉलिवूडची प्रसिद्ध अभिनेत्री उर्वशी रौतेला पुन्हा पुन्हा चर्चेत येत आहे. उर्वशी सोशल मीडियावर खूप सक्रिय असते आणि तिच्या पोस्ट्समुळे ती सतत चर्चेत असते. आता अभिनेत्रीने एक पोस्ट शेअर केली आहे, ज्यामध्ये अभिनेत्री साऊथ मेगास्टार चिरंजीवीसोबत दिसत आहे. या फोटोमध्ये उर्वशीच्या चेहऱ्यावर मोठे हास्य आहे. उर्वशीने या पोस्टमध्ये एक छान कॅप्शनही दिले आहे. विशेष म्हणजे उर्वशी दक्षिणेतील अभिनेता चिरंजीवीच्या चित्रपटात दिसणार आहे.
उर्वशीची पोस्ट काय आहे? - उर्वशीने शेअर केलेल्या पोस्टच्या कॅप्शनमध्ये अभिनेत्रीने लिहिले की, 'जेव्हा मी पुरस्कार जिंकते, तेव्हा मी माझ्या आई-वडिलांचा विचार करते. माझ्यासाठी सर्वोत्कृष्ट असणे म्हणजे विविध देश आणि विश्वात हे सिध्द होणे आहे. मेगास्टार चिरंजीवी गारुंचे आभार."
- " class="align-text-top noRightClick twitterSection" data="
">
उर्वशी दिग्दर्शक बॉबी कोलीच्या आगामी अॅक्शन पॅक्ड चित्रपट 'वलतेर वीरैया'मध्ये आयटम सॉन्ग करताना दिसणार आहे. हे आयटम साँग दक्षिणेतील प्रसिद्ध संगीतकार देवी श्री प्रसाद यांनी संगीतबद्ध केले आहे. त्याचबरोबर उर्वशीला कोरिओग्राफर शेखर मास्तर यांनी या गाण्याच्या तालावर स्टेप्स शिकवल्या आहेत. हे गाणे हैदराबादमधील एका खास लोकेशनवर शूट करण्यात आले आहे.
या चित्रपटात चिरंजीवी, रवी तेजा आणि श्रुती हासन मुख्य भूमिकेत दिसणार आहेत. 300 कोटी बजेटच्या या चित्रपटात उर्वशी नेव्ही ऑफिसरच्या भूमिकेत असल्याचे सांगण्यात येत आहे. नवीन येरनेनी आणि वाय रविशंकर यांनी या चित्रपटाची निर्मिती केली आहे. 'वॉल्टर वीरैया' चित्रपट 2023 मध्ये थिएटरमध्ये प्रदर्शित होणार आहे.
- " class="align-text-top noRightClick twitterSection" data="
">
याआधी उर्वशीने साऊथ सुपरस्टार राम पोथिनेनीसोबतचा एक फोटो शेअर केला होता. उर्वशीने या फोटोसोबत एक सुंदर आणि प्रेमळ कॅप्शन देखील जोडले आहे. अभिनेत्रीच्या या पोस्टवर युजर्सनी टोमणे मारत लिहिले की, ही आरपी (राम पोथीनेनी) आहे. उर्वशी मागील आशिया कप 2022 मध्ये क्रिकेटर ऋषभ पंतसोबतच्या बातम्यामुळे खूप चर्चेत होती.
हेही वाचा - ''सलमान भाई बनला लांडगा'', वरुण धवनने शेअर केला मजेशीर व्हिडिओ
