मुंबई - Jai Ganesha track from Ganpath : अभिनेता टायगर श्रॉफचा आगामी 'गणपथ' या सायन्स फिक्शन अ‍ॅक्शन चित्रपटाचं नवं गाणं रिलीज झालंय. 'जय गणेशा' असं शीर्षक असलेला हा म्यूझिक ट्रॅक भव्य आहे. यामध्ये प्रचंड उर्जेनं टायगर श्रॉफ थिरकताना दिसतोय. या गाण्यात एक अतिशय अपारंपरिक आवाज आहे, जो केवळ आध्यात्मिक उत्कंठा वाढवतो असं नाही तर गायन म्हणूनही मंत्रमुग्ध करणारा आहे. कोरससह गाणे खूपच आकर्षक झालंय. पारंपारिक भक्ती संगीतामध्ये आधुनिक आणि लोक संगीतांचं मिश्रण गाण्यात जमून आलंय. नुकत्याच पार पडलेल्या गणेश उत्सवादरम्यान या गाण्याचा ऑडिओ रिलीज करण्यात आला होता, ज्याला प्रेक्षकांनी उदंड प्रतिसाद दिला होता.
- " class="align-text-top noRightClick twitterSection" data="">
या गाण्याचं दृष्य रुप खूप भव्य आणि नेत्रदीपक आहे. वक्रतुंड महाकायच्या गजरात, ढोल ताशांचा साथीनं सार्वजिक गणेश उत्सवाच्या मंडपात टायगर श्रॉफचं आगमन होत. आकर्षक शरीरसौष्ठव असलेला टायगर उंच उडी मारत गणेश मूर्तीवरील पडदा हटवतो आणि 'जय गणेशा'च्या तालावर सर्वजण ताल धरताना दिसतात. विशाल मिश्रा यांनी या गाण्याला संगितबद्ध केलं असून त्यानंच हे गीत गायलंही आहे. अक्षय त्रिपाठीनं या गाण्याची रचना केलीय. राहुल शेट्टी आणि त्याच्या डान्सर्स टीमनं या गाण्याची सुंदर कोरिओग्राफी केलीय.
अलिकडंच 'गणपथ' चित्रपटाचा ट्रेलर रिलीज करण्यात आला होता. यंदाच्या दसऱ्याच्या निमित्तानं 'गणपथ' प्रेक्षकांच्या भेटीस येणार आहे. चित्रपटाची अगदी सुरुवातीपासूनच उत्तम चर्चा सर्व माध्यमातून सुरू आहे. ट्रेलरला प्रेक्षकांनी भरभरुन प्रतिसाद दिला होता. यामध्ये टायगर श्रॉफ टायगर श्रॉफ आणि क्रिती सेनॉन जबरदस्त अ‍ॅक्शन करताना पाहायला मिळत आहे. याशिवाय या ट्रेलरमध्ये अमिताभ बच्चनची झलक देखील दाखविण्यात आली आहे. या चित्रपटाची कहाणी ही 2070 मध्ये सुरू होताना दाखवण्यात आलीय. या ट्रेलरमध्ये टायगरचे दोन रूप पाहायला मिळतंय. हा चित्रपट या दसऱ्याला म्हणजेच 20 ऑक्टोबरला थिएटरमध्ये रिलीज होणार आहे. 'गणपथ- ए हिरो इज बॉर्न' हा एक उत्कृष्ट हाय-ऑक्टेन अ‍ॅक्शन चित्रपट असणार आहे.
हेही वाचा -
1. Omg 2 : 'ओएमजी 2' छोट्या मुलांसाठी बनवल्याचा अक्षय कुमारचा दावा, पण 'ए' सर्टिफिकेमुळे फसला डाव
