मुंबई - बॉलिवूडचा सुपरस्टार शाहरुख खानने जम्मूच्या कटरा येथील वैष्णोदेवी मंदिराला भेट दिली. रात्री उशिरा 8 वाजता सुपरस्टार आपल्या मित्रांसह कटरा येथील एका हॉटेलमध्ये पोहोचला. शाहरुखची वैष्णो देवीची भेट त्याच्या कमबॅक चित्रपट पठाण आणि बेशरम रंग चित्रपटातील पहिले गाणे रिलीज होण्यापूर्वी झाली होती, हे गाणे आज प्रदर्शित झाले आहे.
मित्रांसह, शाहरुख व्हिडिओमध्ये काळ्या रंगाचे हुड असलेले जाकीट घातलेला दिसत होता. सुपरस्टारने रविवारी रात्री 10 वाजता आपल्या प्रवासाला सुरुवात केली आणि 12 च्या सुमारास तो पवित्र मंदिरात पोहोचला.
त्याच्या भेटीदरम्यान, काही चाहत्यांनी सुपरस्टारची एक झलक पाहण्यासाठी एसआरकेला फॉलो केले. त्याच्या टीमने शाहरुखची वैष्णोदेवीची भेट लपवून ठेवण्याचा खूप प्रयत्न केला. सुपरस्टारच्या व्हिडिओंनी मात्र सोशल मीडियावर धुमाकूळ घातला.
या महिन्याच्या सुरुवातीला शाहरुख खान मक्का या पवित्र शहरात उमराह करताना दिसला होता. त्याच्या फॅन क्लबने पोस्ट केलेल्या फोटो आणि व्हिडिओंमध्ये, अभिनेता पांढरा पोशाख परिधान केलेला आणि लोकांनी वेढलेला दिसतो.
दरम्यान, सुपरस्टारचे चाहते त्याच्या पुनरागमनाच्या 'पठाण' चित्रपटाची वाट पाहत आहेत. हा चित्रपट 25 जानेवारी 2023 रोजी प्रदर्शित होणार आहे. तसेच दीपिका पदुकोण आणि जॉन अब्राहम यांच्या प्रमुख भूमिका असलेला पठाण सिद्धार्थ आनंदने दिग्दर्शित केला आहे. निर्मात्यांनी ट्रेलरपूर्वी चित्रपटाचे संगीत रिलीज करण्याचा निर्णय घेतला आहे. याच प्रमोशनल स्ट्रॅटेजीचा एक भाग म्हणून बेशरम रंग, पठाण अल्बममधील पहिले गाणे आज रिलीज झाले आहे.
हेही वाचा - शाहरुख खान आणि दीपिका पदुकोणचे पठाणमधील पहिले 'बेशरम रंग' गाणे रिलीज
