मुंबई : कार्तिक आर्यनच्या आगामी 'शहजादा' चित्रपटासाठी प्रेक्षक खूप उत्सुक आहे. याचे ताजे उदाहरण म्हणजे अ‍ॅक्शन-ड्रामा चित्रपटाच्या ट्रेलरला मिळालेला उदंड प्रतिसाद. मिळालेल्या माहितीनुसार, 10 फेब्रुवारीला रिलीज होणार्‍या चित्रपटाला नवीन रिलीज डेट मिळाली आहे. त्यानुसार कार्तिक आर्यन आणि क्रिती सेनन स्टारर चित्रपट 17 फेब्रुवारीला रिलीज होणार आहे.
मुख्य भूमिका : मिळालेल्या माहितीनुसार, बॉलिवूड किंग शाहरुख खान स्टारर 'पठाण' या चित्रपटाला मिळालेले जबरदस्त यश आणि हाऊसफुल चित्रपटगृहांमुळे चित्रपट निर्मात्यांनी हा निर्णय घेतला आहे. बदलापूर्वी, चित्रपटाची रिलीज डेट 10 फेब्रुवारी होती, जी आता 17 फेब्रुवारी आहे. रोहित धवन दिग्दर्शित शहजादा या चित्रपटात कार्तिक आर्यनसोबत क्रिती सेनन मुख्य भूमिकेत आहे. त्याचवेळी पठाण बॉक्स ऑफिसवर चांगली कमाई करत आहे. या चित्रपटाने 5 दिवसात जगभरात 500 कोटींचा आकडा पार केला आहे. अशा परिस्थितीत निर्मात्यांना कोणताही धोका पत्करायचा नाही.
पाचव्या दिवशीही अद्भूत कलेक्शन : बॉक्स ऑफिसवर 55 कोटींची ओपनिंग केलेल्या 'पठाण' चित्रपटाने अवघ्या पाच दिवसांत जगभरात 550 कोटींचा व्यवसाय केला आहे. या चित्रपटाने यापूर्वी 4 दिवसांत 400 कोटींची कमाई केली होती. चित्रपट विश्लेषक तरण आदर्श यांच्या म्हणण्यानुसार, चित्रपटाने पाचव्या दिवशी 65 कोटींचे करिश्माई कलेक्शन केले आहे.
5 दिवस चढत्या क्रमाने कमाई : 'पठाण'ने पहिल्या दिवशी 55 कोटी, दुसऱ्या दिवशी 70 कोटी, तिसऱ्या दिवशी 38 कोटी, चौथ्या दिवशी 51.4 कोटी आणि पाचव्या दिवशी 65 कोटींचा गल्ला जमवून थिएटर्सना आग लावली आहे. थिएटर्स मालक अत्यंत खूश असल्याचे पाहायला मिळाले आहे. यामध्ये त्यांनी मोठा आनंद व्यक्त केला आहे.
कार्तिक आर्यनच्या वर्कफ्रंटबद्दल : कार्तिक आर्यनच्या वर्कफ्रंटबद्दल बोलायचे झाले तर, त्याचा आगामी चित्रपट 'शहजादा' रिलीजसाठी सज्ज आहे. रोहित धवन दिग्दर्शित 'शहजादा' 17 फेब्रुवारी 2023 रोजी एक आठवडा उशिराने चित्रपटगृहात प्रदर्शित होणार आहे. हा चित्रपट तेलगू चित्रपट 'अला वैकुंठप्रेमालु' चा अधिकृत हिंदी रिमेक आहे, ज्यामध्ये दक्षिण अभिनेता अल्लू अर्जुन मुख्य भूमिकेत आहे. 'शहजादा'मध्ये कार्तिकच्या सोबत क्रिती सेनन आहे. यानंतर कार्तिक आर्यन दिग्दर्शक कबीर खानच्या अनटायटल चित्रपटात तसेच हंसल मेहताच्या 'कॅप्टन इंडिया' या चित्रपटात दिसणार आहे.
हेही वाचा : सर्वात मोठ्या अ‍ॅक्शन चित्रपटात प्रभास आणि हृतिक मुख्य भूमिकेत
