मुंबई - शाहरुख खानच्या पठाण चित्रपटातील झुमे जो पठाण हे नवे गाणे रिलीज झाले आहे. बेशरम रंग गाणे वादाच्या भोवऱ्यात अडकल्यानंतर शाहरुख खानने पठाण चित्रपटातील झुमे जो पठाण हे गाणे लॉन्च केले. या गाण्यातही दीपिका आणि शाहरुखची जबरदस्त केमेस्ट्री पाहायला मिळत आहे. गेल्या काही दिवसापासून या गाण्याची प्रतीक्षा शाहरुखचे चाहते करत होते.
जबरदस्त लोकेशन्स, रंगबिरंगी बॅकग्राऊंड डान्सर्सचा समुदाय आणि शाहरुख आणि दीपिकाच्या तालबद्ध मुव्हमेंट्स यांनी गाण्यात धमाल केली आहे. प्रत्येकाला थिरकण्याची इच्छा होईल असे हे गाणे झाले आहे. या गाण्याची कोरिओग्राफी बॉस्को सिझर या मास्टरची आहे. गीतकार कुमारने लिहिलेल्या या गाण्याला विशाल आणि शेखरच्या संगीताला अरजित सिंग, सुक्रिती कक्कर, विशाल आणि शेखर यांनी स्वरसाज चढवला आहे.
- " class="align-text-top noRightClick twitterSection" data="
">
शाहरुख खानने गाणे रिलीज झाल्याची घोषणा आपल्या इन्स्टाग्रामवर केली आहे. त्याने लिहिलंय, ''तुमने मोहब्बत करनी है, हमने मोहब्बत की है, इस दिल के अलावा किसी से भी, ना हमने इज्जत ली है!! आता झुमलो, झुमे जो पठाण गाणे आऊट,'' असे त्याने गाण्याला कॅप्शन दिले आहे.
गाणे प्रेक्षकांना प्रचंड आवडल्याचे दिसत आहे. रिलीज नंतर केवळ अर्धा तासात युड्यूबवर हे गाणे ११ लाख लोकांनी पाहिले आहे. या गाण्यावर हजोरो कमेंट्स आल्या आहेत. यामध्ये शाहरुखच्या कबॅकचे व दीपिकासोबतच्या ऑन स्क्रिन केमेस्ट्रीचे स्वागत प्रेक्षक करत आहेत.
- " class="align-text-top noRightClick twitterSection" data="">
या गाण्याबद्दल बोलताना, चित्रपटाचे दिग्दर्शक सिद्धार्थ आनंद यांनी आधी सांगितले की, "झूमे जो पठाण या पठाणच्या गाण्यात सुपर स्पाय पठाणच्या व्यक्तिमत्त्वाचे वैशिष्ट्य आहे ज्याच्याकडे अप्रतिम स्वैर आहे .त्याची उर्जा, त्याचा उत्साह, त्याचा आत्मविश्वास कोणालाही सुरांवर नाचवू शकतो."
तो पुढे म्हणाला, "गाण्यामध्ये शाहरुख खान आणि दीपिका पदुकोण आहेत. हे गाणे कव्वालीचे आधुनिक फ्यूजन आहे आणि पठाणच्या शैलीचे आणि पॅनचेचे सेलिब्रेशन आहे. आम्हाला SRK ला संगीतात गुंतवून पाहिल्यापासून काही काळ झाला आहे आणि आम्ही आशा करतो. लोकांना त्यांचा आवडता सुपरस्टार त्याच्या स्टाईलमध्ये डान्स करताना बघायला आवडेल."सिद्धार्थ पुढे म्हणाला, "झूमे जो पठाणमध्ये दीपिका पदुकोण देखील आहे. शाहरुखसोबत तिची केमेस्ट्री पडद्यावर चमकत आहे आणि हे गाणे जगभरातील प्रत्येकासाठी एक मेजवानी आहे जे एसआरके आणि दीपिका यांना त्यांची आवडती ऑन-स्क्रीन जोडी म्हणून आवडतात. ."
बेशरम रंग, हा पठाण मधील पहिला ट्रॅक १२ डिसेंबर रोजी प्रदर्शित झाला. विशाल-शेखर यांनी कुमारच्या गीतांसह संगीतबद्ध केलेल्या, पेप्पी ट्रॅकने शाहरुख खान आणि दीपिका पदुकोण यांच्यातील केमिस्ट्री दर्शविली होती.
हेही वाचा - सर्कसमधील आशिकी गाणे रिलीज, पाहा रणवीर सिंग, पूजा हेगडे यांचा मजेदार रोमँटिक ट्रॅक
