मुंबई - अभिनेत्री सारा अली खान सध्या सुट्टीचा आनंद घेत भारतात फिरत आहे. नुकतीच ती हिमालयाच्या कुशीत स्पिती आणि लाहौलच्या बर्फाळ भागात सैर करताना दिसली होती. इथे पराठा खात कॉफीचा आनंद घेत असलेले फोटो तिने इन्स्टाग्रामवर शेअर केले होते. आता ती पंजाबमध्ये पोहोचली असून तिने आपली कार सोडून ऑटो रिक्शातून फिरण्याचा अनुभव घेतला.
गुरुवारी इन्स्टाग्रामवरील स्टोरीमध्ये साराने एक व्हिडिओ शेअर केला ज्यामध्ये ती ऑटो-रिक्षात बसलेली दिसत आहे. धावणाऱ्या रिक्षातून ती राईडचा आनंद घेताना दिसते. व्हिडिओमध्ये, साराने ऑटो ड्रायव्हरला विचारले, 'कहां जा रहे हैं जी? ज्यावर ड्रायव्हरने उत्तर दिले, 'पंजाब जा रहे हैं जी पंजाब,' ज्यावर 'लव्ह आज कल' अभिनेत्री सारा म्हणाली, 'पंजाब में तो हैं' तिने तिच्या इन्स्टा स्टोरीवर पोस्ट केलेल्या दुसर्‍या व्हिडिओमध्ये, सारा चंदीगडमध्ये ढाबा फूडचा आनंद घेताना दिसत आहे. पंजाबच्या श्रीमंत खाद्य संस्कृतीचा आस्वाद घेण्यासाठी रोड साईड हॉटेलमध्ये पोहोचली होती. इथे तिने पनीर, रोटी, दही यांचा आस्वाद घेतला. तिच्या टेबलवर अनेक पंजाबी खाद्य पदार्थ मांडण्यात आले होते ज्यामध्ये हिरव्या मिर्च्यांपासून अनेक पदार्थांचा समावेश होता. 'परांठा, दही.. यम्मी! मिसळ रोटी, पनीर हा धमाका आहे,' असे साराने व्हिडिओमध्ये म्हटलंय. अभिनेत्री सारा अली खान सोशल मीडियाचा उत्साही वापरकर्ती आहे आणि ती वारंवार तिचे व्हिडिओ आणि फोटो सोशल मीडियावर शेअर करत असते जे व्हायरल होतात.
वर्क फ्रंटवर, सारा 'गॅसलाइट' नावाचा चित्रपट घेऊन येण्यासाठी सज्ज आहे. पवन किरपलानी दिग्दर्शित, 'गॅसलाइट' मध्ये विक्रांत मॅसी आणि चित्रांगदा सिंग यांच्याही प्रमुख भूमिका आहेत. ३१ मार्चपासून हा चित्रपट केवळ OTT प्लॅटफॉर्म डिस्ने हॉटस्टारवर प्रदर्शित होईल. 'गॅसलाइट' हे सारासाठी शिकण्यासारखे आहे. असे तिने यापूर्वी सांगितले होते.
सारा अली खान म्हणाली, 'मी याआधी साकारलेल्या भूमिकांपेक्षा व्यक्तिरेखा आणि कथा खूपच वेगळी आहे. या चित्रपटाने मला अभिनयातील माझी क्षितिजे वाढवण्याची आणि विविध छटा माझ्या चाहत्यांना सादर करण्याची संधी दिली आहे. ही एक मनोरंजक गोष्ट आहे आणि प्रेक्षकांना खिळवून ठेवेल. शूट दरम्यान हा एक रोमांचक प्रवास होता. मी प्रेक्षकांच्या प्रतिक्रियांची वाट पाहत आहे.,' असे तिने सांगितले होते. साराकडे लक्ष्मण उतेकरचा आगामी शीर्षक नसलेला रोम-कॉम चित्रपट आहे ज्यात विकी कौशल आणि होमी अदजानियाचा आगामी 'मर्डर मुबारक' हा चित्रपटही आहे.
हेही वाचा - Hera Pheri 3 : हेरा फेरी 3 मध्ये संजय दत्तची एन्‍ट्री; करणार त्याच्या कॉमेडी अभिनयाची सुरूवात
