मुंबई - बॉलिवूड अभिनेत्री सारा अली खान ( Sara Ali Khan ) अनेकदा तिची आजी आणि ज्येष्ठ अभिनेत्री शर्मिला टागोर ( veteran actress Sharmila Tagore ) यांच्याबद्दल बोलताना दिसत असते. शर्मिला टागोर यांच्यावर बायोपिक बनल्यास ती ऑन-स्क्रीन भूमिका करण्याबद्दल उत्सुक असल्याचे अलिकडेच सारा बोलली आहे.
तिच्या बायोपिकमध्ये तिच्या आजीची भूमिका करण्याबद्दल तिच्या चाहत्याने विचारलेल्या प्रश्नाचे उत्तर देताना साराने सांगितले की, आजीच्या बायोपिकमध्ये काम करणे तिच्यासाठी सोपे नाही. "ती खूप सुंदर आहे. मला माहीत नाही की मी तितकी ग्रेसफुल आहे की नाही," साराने उत्तर दिले.
शक्ती सामंताच्या 1964 च्या हिट 'काश्मीर की कली' सारख्या चित्रपटांमधील उल्लेखनीय अभिनयासाठी शर्मिला टागोर ओळखल्या जातात. 'आराधना', 'सफर', 'अमर प्रेम' आणि इतर चित्रपटांमध्ये राजेश खन्नासोबतची त्यांची केमिस्ट्री देखील प्रेक्षकांना आवडली होती.
रोपोसोवरील लाइव्ह शो दरम्यान, सारा म्हणाली की ती तिच्या आजीशी तिच्या चित्रपट आणि कामांबद्दल जास्त बोलत नाही. सारा अली खान पुढे म्हणाली: "मी बडी अम्मा (आजी) शी खूप बोलते, पण मला वाटत नाही की मी तिच्याशी तिच्या कारकिर्दीबद्दल बोलण्यात जास्त वेळ घालवला आहे. इतरही अनेक गोष्टी आहेत. ती खूप वाचणारी आहे. सध्याच्या घडामोडींमध्ये स्वारस्य आहे, आणि तिला सामान्य ज्ञानाची उत्तम जाण आहे. ती खूप दर्जेदार महिला आहे आणि तिचे छान जीवन आहे. तिच्याकडे जागतिक दृष्टीकोन आहे आणि आम्ही तिच्या कलेच्या कामापेक्षा त्याबद्दल बोलण्यात जास्त वेळ घालवला आहे, असे मला वाटतं."
वर्क फ्रंटवर, सारा अली खान आगामी लक्ष्मण उतेकरच्या प्रोजेक्टमध्ये विक्की कौशलच्या सोबत दिसणार आहे आणि विक्रांत मॅसी सोबत 'गॅसलाइट' मध्ये देखील दिसणार आहे.
हेही वाचा - Ranveer Singh Nude Photoshoot : 'त्या' फोटोमधील एक फोटो 'मार्फ' केलेला; रणवीरसिंगचा दावा
