मुंबई - 'दबंग 3' आणि 'मेजर' यांसारख्या चित्रपटांमध्ये लक्ष वेधून घेणाऱ्या भूमिका करणारी अभिनेत्री सई एम मांजरेकर लवकरच 'आयस्मार्ट शंकर' स्टार राम पोथीनेनी याच्यासोबत आगामी चित्रपटात दिसणार आहे. कौटुंबिक कलहात अडकलेल्या श्रीमंत, सुशिक्षित मुलीची मुख्य भूमिका सई साकारणार आहे. सध्या या चित्रपटाची निर्मिती सुरू आहे.
या चित्रपटात काम करण्याच्या तिच्या अनुभवाबद्दल बोलताना अभिनेत्री सई मांजरेकर म्हणाली, या चित्रपटात काम करणे हा माझ्यासाठी अविश्वसनीय प्रवास होता. मी साकारलेली व्यक्तिरेखा कठीण आणि बहुस्तरीय आहे, जी एक अभिनेत्री म्हणून नेहमीच आव्हानात्मक असते.
तिने पुढे नमूद केले की, चित्रपटातील तिची व्यक्तिरेखा साकारण्यात मदत केल्याबद्दल तिने तिच्या दिग्दर्शक आणि सहकलाकारांना श्रेय दिले आहे. सई म्हणाली, परंतु आमच्या दिग्दर्शक आणि माझ्या सहकलाकारांच्या मार्गदर्शनामुळे मी व्यक्तीरेखेला जीवनात जिवंत करू शकले. मला आशा आहे की प्रेक्षकांचा या भूमिकेला चांगला प्रतिसाद मिळेल. मी संधीसाठी आभारी आहे आणि अंतिम निर्मिती पाहण्यासाठी प्रत्येकजण उतावीळ झाले आहेत.
2019 च्या सलमान खान-स्टारर चित्रपट 'दबंग 3' द्वारे हिंदी चित्रपटसृष्टीत पदार्पण करणार्‍या सई महेश मांजरेकरने त्रिभाषी बायोपिक 'मेजर' मधील तिच्या भूमिकेसाठी प्रशंसा मिळविली होती. ज्यामध्ये तिने अभिनेता आदिवी सेशसोबत भूमिका केली होती. हा चित्रपट भारताचे राष्ट्रीय नायक, मेजर संदीप उन्नीकृष्णन यांच्या जीवनावर आधारित होता, ज्यांनी ताज हॉटेलमध्ये मुंबईतील २६/११ च्या हल्ल्यादरम्यान दहशतवाद्यांशी शौर्याने लढताना देशाच्या सेवेत आपले प्राण अर्पण केले होते.
मराठी आणि हिंदीतील प्रसिध्द दिग्दर्शक महेश मांजरेकर यांची सई ही मुलगी आहे. अतिशय चाणाक्ष अभिनेत्री असलेली सई आपल्या अभिनयाचा ठसा उमटवत चालली आहे. आई आणि वडिलांकडून तिला अभिनयाचा वारसा मिळाला असून आपली स्वतंत्र ओळख निर्माण करण्यात ती गुंतली आहे.
दरम्यान, सईकडे 'कुछ खट्टा हो जाए' नावाचा आणखी एक चित्रपट आहे ज्यामध्ये ती 'लाहोर' हिटमेकर गुरु रंधावासोबत स्क्रीन शेअर करणार आहे.
हेही वाचा - Ram Charan During Rrr Promotion : आरआरआर प्रमोशनसाठी राम चरण अमेरिकेत; म्हणतात चांगल्या सिनेमाला नसते भाषा
