मुंबई - Mission Raniganj New Song : अक्षय कुमार स्टारर 'मिशन रानीगंज: द ग्रेट भारत रेस्क्यू' हा चित्रपट 6 ऑक्टोबर रोजी प्रदर्शित झाला. या चित्रपटाला प्रदर्शित होऊन दोन दिवस झाले आहेत. या दोन दिवसांत चित्रपटाने रुपेरी पडद्यावर 7 कोटींहून अधिक कमाई केली आहे. आता अक्षय हा या चित्रपटातील 'जीतेंगे' हे गाणे रिलीज करण्यासाठी सज्ज झाला आहे. अक्षयनं इन्स्टाग्रामवर एक मोशन पोस्टर शेअर केले आहे. या पोस्टरच्या पार्श्वभूमीत एक गाणं वाजत आहे. मोशन पोस्टर शेअर करत त्यानं लिहिलं की, 'हम साथ चले तो 'जीतेंगे' व्हिडिओ उद्या रिलीज होणार आहे. मिशन राणीगंजसह भारताच्या खऱ्या नायकाची कहाणी आता थिएटरमध्ये पहा'. असं त्यानं लिहलं आहे.
अक्षय कुमार शेअर केली एक पोस्ट : 'केसरी' चित्रपटातील 'तेरी मिट्टी' या गाण्यानंतर अक्षयनं पुन्हा बी प्राकसोबत गाणं केलं आहे. या चित्रपटातील 'जीतेंगे' गाणं प्रवो मुखर्जी यांनी संगीतबद्ध केले आहे. याशिवाय डॉ. कुमार विश्वास यांनी हे गाणं लिहलं आहे. 'मिशन रानीगंज: द ग्रेट भारत रेस्क्यू'मधील अक्षयनं पोस्टर शेअर करताच चाहत्यांनी कमेंट विभागात हार्ट आणि फायर इमोजी पोस्ट केले आहेत. एका चाहत्यानं या पोस्टवर कमेंट करत लिहले, 'अक्षयचे प्रत्येक चित्रपट खूप खास असतात'. दुसऱ्या एका चाहत्यानं लिहलं, 'मिशन रानीगंज' हा चित्रपट खूप खास आहे ही कहाणी सत्य घटनेवर आधारित आहे'. आणखी एका चाहत्यानं लिहलं, 'अक्षय नेहमीच काही तरी वेगळं करतो' अशा अनेक कमेंट या पोस्टवर येत आहेत.
अक्षय कुमारनं सांगितलं 'मिशन राणीगंज' चित्रपट सर्वोत्कृष्ट : अलीकडेच पत्रकार परिषदेत अक्षयनं 'मिशन राणीगंज' हा त्याच्या सर्वोत्कृष्ट चित्रपटांपैकी एक असल्याचं सांगितलं आहे. पुढं त्यानं सांगितल, 'टीनू देसाई राष्ट्रीय पुरस्कारास पात्र आहे. गेल्या 4-5 वर्षांपासून तो या चित्रपटावर काम करत आहे. या चित्रपटासाठी त्यानं खूप मेहनत घेतली आहे. 'मिशन रानीगंज'चं व्यावसायिकता काय असेल माहीत नाही, पण त्यानं बनवलेल्या चित्रपटाचा मला खूप अभिमान आहे हे निश्चित. मला हे सांगायला आनंद होत आहे की हा मी बनवलेल्या सर्वोत्कृष्ट चित्रपटांपैकी एक आहे'. 'मिशन रानीगंज'मध्ये अभिनेत्री परिणीती चोप्राही मुख्य भूमिकेत आहे. हा चित्रपट दिवंगत जसवंत सिंग गिल यांच्या सत्य कथेवर आधारित आहे.
हेही वाचा :
