मुंबई - जान्हवी कपूर ( Janhvi Kapoor ) 'मिली' या सर्व्हायव्हल-थ्रिलर ( a survival-thriller film Mili ) चित्रपटाद्वारे पुन्हा मोठ्या पडद्यावर येत आहे. हे जान्हवीचे वडील बोनी कपूर यांच्यासोबतचे तिचा पहिला व्यावसायिक प्रोजेक्ट असेल. मिलीच्या निर्मात्यांनी बुधवारी चित्रपटाचा टीझर शेअर केला. या चित्रपटात सनी कौशलही मुख्य भूमिकेत आहे.
सर्वायव्हर-थ्रिलर चित्रपट म्हणून ओळखला जाणारा, मिली हा चित्रपट 2019 मल्याळम चित्रपट हेलनचा रिमेक आहे. राष्ट्रीय पुरस्कार विजेते मथुकुट्टी झेवियर दिग्दर्शित या चित्रपटात मनोज पाहवा देखील आहेत. या चित्रपटात जान्हवी एका प्रामाणिक कामगार वर्गातील मुलीच्या भूमिकेत दिसणार आहे जी सुपरमार्केटच्या फ्रीझरमध्ये बंद होते.
- " class="align-text-top noRightClick twitterSection" data="">
आज जान्हवीने इंस्टाग्रामवर फर्स्ट-लूक पोस्टर शेअर केला आहे. 'मिली' ही बीएससी नर्सिंग पदवीधर असल्याची ओळख तिने फर्स्ट लूकमधून दिली आहे. "1 तासात तिचं आयुष्य बदलणार आहे... मिली," असे जान्हवीने पोस्टला कॅप्शन दिले. जान्हवीने शेअर केलेल्या दुसर्‍या पोस्टरमध्ये ती खूपच घाबरलेली दिसत आहे आणि पोस्टरमध्ये लिहिले आहे, “गोठली पण हलली नाही”.
विशेष म्हणजे, जान्हवीचे वडील बोनी कपूर यांच्यासोबतचे तिचा पहिला व्यावसायिक प्रोजेक्ट असेल. चित्रपटाबद्दल बोलताना, बोनीने एका वेबलॉइडला सांगितले की हा चित्रपट एक आव्हानात्मक भूमिकेसह आहे ज्यात त्याची मुलगी तिच्या कारकिर्दीच्या सुरुवातीच्या काळात एक जगावेगळे आव्हानात्मक नाटक सादर करेल. मिली ४ नोव्हेंबरला चित्रपटगृहात दाखल होणार आहे.
हेही वाचा - Double Xl Trailer : यशासाठी स्वतःला पणाला लावलेल्या मुलींची मिश्कील वजनदार कथा
