मुंबई : हृतिक रोशनचा 'कोई मिल गया' चित्रपटाने २००३ साली बॉक्स ऑफिसवर खूप कमाई केली होती. या चित्रपटाने प्रेक्षकांवर चांगलीच जादू केली होती. हा चित्रपट पाहण्यासाठी लहान मुलांपासून मोठ्यांपर्यंत सर्वांनीच चित्रपटगृहांकडे मोर्चा वळवला होता. दुसरीकडे, हा चित्रपट हृतिक रोशनच्या रुळलेल्या कारकिर्दीसाठी संजीवनीसारखा ठरला. या महिन्यात 'कोई मिल गया' या चित्रपटाच्या रिलीजला २० वर्षे पूर्ण होत आहेत. यानिमित्ताने या चित्रपटाचे निर्माते हा चित्रपट पुन्हा एकदा प्रदर्शित करण्याच्या तयारीत आहेत. 'कोई मिल गया' चित्रपटाला २० वर्षे पूर्ण झाल्याच्या निमित्ताने हा चित्रपट ४ ऑगस्टला पीवीआर (PVR) आणि आयनॉक्स (INOX)मध्ये ३० शहरांमध्ये रिलीज होणार आहे. 'कोई मिल गया' या चित्रपटाचे दिग्दर्शन राकेश रोशन यांनी केले होते.
- " class="align-text-top noRightClick twitterSection" data="">
राकेश रोशन केला खुलासा : या चित्रपटात हृतिक रोशन व्यतिरिक्त प्रीती झिंटा, रेखा, नसीरुद्दीन शाह हे कलाकार होते. दरम्यान मीडिया मुलाखतीदरम्यान राकेश रोशनने खुलासा केला की त्यांनी हा चित्रपट त्यांचा मुलगा हृतिकच्या अभिनय कौशल्यावर प्रकाश टाकण्याच्या उद्देशाने बनवला होता. राकेश रोशनने पुढे सांगितले, 'कहो ना प्यार है' या त्याच्या पहिल्या चित्रपटाच्या शानदार यशानंतर हृतिकचे सलग आठ चित्रपट फ्लॉप झाले. मीडियाने हृतिकला फ्लॉप हिरो म्हणण्यास सुरूवात केली. 'कोई मिल गया'मधून हृतिकने स्वत:ला सिद्ध केले. तो पूर्णपणे त्याच्या पात्रात उतरला'. या चित्रपटात हृतिक एका मानसिकदृष्ट्या कमकुवत मुलाच्या भूमिकेत दिसला होता. ही भूमिका साकारण्यासाठी त्यांनी विशेष तयारी केली होती. राकेश रोशनने खुलासा केला की, 'शूटच्या आधी एक आठवडा हृतिकने स्वत:ला एका खोलीत बंद केले होते. यानंतर तो थेट शूटिंगला पोहोचला. जेव्हा पहिला शॉट दिला तेव्हाच मला समजले की त्याला त्याचे पात्र नीट समजले.
२० वर्षांनंतर होणार चित्रपट प्रदर्शित : राकेश रोशन पुढे त्यांनी सांगतिले की, २० वर्षांनंतरही ते सोशल मीडियावर त्यांच्या चित्रपटाशी संबंधित मीम्स पाहत आहेत, जे खूप व्हायरल होत आहेत, ही काहणी एका मतिमंद मुलाची अतिशय संवेदनशील आहे. ज्यांच्याशी फक्त त्याची आई आणि मित्र जोडलेले आहेत, या चित्रपटात फक्त थोडासा व्हीएफएक्स वापरण्यात आला होता, परंतु या चित्रपटाचे व्हिज्युअल लोकांच्या डोळ्यात अजूनही छापले गेले आहे. त्यानंतरही राकेश रोशनच्या मनात फ्रँचायझीबाबत कोणतेही नियोजन नव्हते. दिग्दर्शकाच्या म्हणण्यानुसार, 'द लॉर्ड ऑफ द रिंग्ज' पाहताना त्याच्या मनात फ्रँचायझीची कल्पना आली आणि त्यामुळे क्रिशची निर्मिती झाली. यानंतर 'क्रिश ३' आला. दरम्यान आता ते 'क्रिश ४' आणण्याच्या तयारीत असून २०२४ मध्ये या चित्रपटावर काम सुरू होईल, असे त्यांनी सांगितले.
हेही वाचा :
